Huzoor na'at ka matla saja Diya jaaye,, Huzoor arz hai chehra dikha diya jaaye.. Huzoor aapki sohbat ko hum taraste hain,, Huzoor waqt ko peechhe hata diya jaaye.. Huzoor khauf bahut hai humare Seeno mein,, Huzoor maut ka matlab bata diya jaaye.. Huzoor aapke qadmo mein sar rakha Maine,, Huzoor arz hai sajda sikha diya jaaye.. Huzoor pyare Hasan aur Husain ka hun mureed,, Huzoor Maula Ali se mila diya jaaye.. Huzoor mujhko muhabbat hai pyare Hamza se,, Huzoor aapka naukar bana diya jaaye.. Huzoor seen ki aawaz mein suroor bahut,, Huzoor sheen ka makhraj bhula diya jaaye. Huzoor hazrate Ayyub ka chale langar,,, Huzoor mujhko bhi khana khila diya jaaye.. Huzoor husn pe maghroor hain yahan ki hasi'n,, Huzoor arz hai parda hata diya jaaye..
Bohot he shandaar kalaam. Yeh kalam Madina Shareef main masjid-e-Nabvi k sehen main beth ker likha gaya Huzoor ki khaas ataa hai yeh kalaam jisay Mohtaram Nadeem Bhabha sahab ne khoob nibhaya aor in khoobsurat alfaz main tehreer kia. @AbuWarraq