MOSKVA AZƏRBAYCANLILARI MİLLİ-MƏDƏNİ MUXTARİYYƏTİ
İLLİK FƏALİYYƏTİN YEKUNLARI
1) Moskva Azərbayanlıları Milli-Mədəni Muxtariyyəti - etnik azərbaycanlıların nəinki Rusiya paytaxtında, bütövlükdə ölkədə ən böyük birliyidir. Muxtariyyətdə radikal dəyişikliklərin kəskin zəruriliyi əslində çoxdan yetişmişdi, lakin bunu 10 iyun 2022-ci ildə reallaşdırmaq mümkün oldu - hesabat-seçki konfransının iştirakçıları tanınmış xeyriyyəçi, iş adamı və ictimai xadim Bəxtiyar Həsənovu təşkilata yeni sədr seçdilər. Təbii ki, yeni komandası və təşkilatın faktiki olaraq yenidən həyata gəlməsinin rəmzi olan yeni konsepsiyası ilə.
2) Rusiya paytaxtı hakimiyyəti ilə sıx əməkdaşlıq - muxtariyyət fəaliyyətinin prioritetidir ki, bu da təşkilatın sədri vəzifəsində Bəxtiyat Həsənovun Moskva Hökumətinin naziri, Milli siyasət və regionlararası əlaqələr Departamentinin rəhbəri Vitaliy Suçkovla və Moskva Millətlər Evinin direktoru Sergey Anufriyenko ilə ilk görüşləri ilə izah olunur. Bütövlükdə, il ərzində həm ikitərəfl formatda, həm də Moskva Hökumətində Moskva diaspor təşkilatları nümayəndələri ilə işgüzar görüşlər çərçivəsində baş tutan belə təmaslar müntəzəm xarakter daşıyıb. Qeyd etmək yerinə düşər ki, Moskva Hökuməti Departamenti rəhbərinin təbrikində Azərbaycanlıların Muxtariyyəti soydaşlarımızın cazibə mərkəzi adlandırılıb, Bəxtiyar Həsənovun onun sədri vəzifəsindəki işinə isə yüksək qiymət verilib.
Xatırladaq ki, Azərbaycanlıların Muxtariyyətinin fəal işi təşkilatın sədri Bəxtiyar Həsənovun Moskva Hökuməti nəzdindəki Millətlərlə İş üzrə Şurasının 14 dekabr 2022-ci il tarixli iclasında qeyd edilib və bu nüfuzlu yığıncaqda Moskva Azərbayanlıları Milli-Mədəni Muxtariyyətinin başçısı həmin Şuranın tərkibinə üzv seçilib.
Ümumiyyətlə, Bəxtiyar Həsənovun illər boyu hərtərəfli aktiv fəaliyyəti çoxsaylı mükafatlar, diplomlar və təşəkkürnamələrlə təltif edilib - o cümlədən də Moskva meri Sergey Sobyanin tərəfindən də. Bəxtiyar Həsənovun özünün nəinki Moskvadakı, hətta Rusiyanın digər regionlarındakı həmvətənlərimiz arasında böyük nüfuzu vardır. Sosial məsuliyyətli iş adamı kimi o həmçinin pandemiya dövründə xüsusilə geniş vüsət almış aktiv xeyriyyəçilik fəaliyyəti ilə müxtəlif kateqoriyalı moskvalılara yaxşı tanışdır. O cümlədən, Bəxtiyar Həsənovun pandemiya qurbanları olmuş və dünyasını dəyişmiş çoxsaylı soydaşlarımızın cənazələrinin Vətənə yola salınmasında xüsusi xidmətləri vardır. 9 May Qələbə Gününün geniş qeyd olunması, Böyük Vətən müharibəsi veteranlarına, təqaüdçülərə, aztəminatlı ailələrə, əlillərə, məhdud sağlamlıq imkanlı uşaqlara və əhalinin ehtiyacı olan digər qrup insanlarına yardım göstərilməsi xoş bir ənənə halını alıb.
3) Diasporun çoxşahəli Rusiya-Azərbaycan münasibətlərinin daha da inkişafı üçün effektiv körpü olmasını nəzərə almaqla Muxtariyyət yeni fəaliyyət konsepsiyası çərçivəsində rəsmi Bakı ilə təmaslarını aktiv şəkildə dərinləşdirir, iki paytaxtı konstruktiv əməkdaşlıq telləri ilə bir-birinə bağlayır. Qeyd edək ki, hələ 2022-ci ilin aprelində Bəxtiyar Həsənov 2020-ci ilin sonunda baş vermiş Vətən müharibəsi nəticəsində Ermənistanın işğalından azad olunan Azərbaycanın Qarabağ bölgəsinin ürəyi - Şuşa şəhərində Dünya Azərbaycanlılarının tarixi əhəmiyyətli Qurultayında iştirak edib. Bu təmasların məntiqli davamı kimi onun həmin ilin noyabrında Bakıda Azərbaycan Respublikası Diasporla İş üzrə Dövlət Komitəsinin sədri Fuad Muradovla görüşü olub. Qeyd edək ki, Fuad Muradov cəmi bir il fəaliyyət göstərməsinə baxmayaraq nəzərəçarpan işləri ilə seçilən Muxtariyyəti ildönümü münasibətilə başçılıq etdiyi qurum adından təbrik edib. Təşkilatın sədri Bəxtiyar Həsənovun adına ünvanlanan, ayrılan diqqətin və verilən yüksək qiymətin təsdiqi olan təbrik məktubunda Dövlət Komitəsinin sədri Muxtariyyətin Moskvadakı Azərbaycan icmasının birləşməsində əvəsziz rolunu və iki xalq arasında milli-mədəni əlaqələrin möhkəmlənməsinə verdiyi tövhəsini xüsusi vurğulayıb. Fuad Muradovun sözlərinə görə, təşkilatın gördüyü işlər Rusiyadakı Azərbaycan diasporunun, eyni zamanda Azərbaycanda Rus icmasının potensialı iki ölkə arasında dostluğun və əməkdaşlığın inkişafına yönəlik olmuş, qarşılıqlı anlaşma və etimad mühitinin yaradılmasına şərait yaratmışdır.
Azərbaycanla əlaqələr tək rəsmi dairələrlə məhdudlaşmır. Bu müstəvidə Azərbaycanın Rus İcması ilə qurulmuş məhsuldar qarşılıqlı dost və sıx əməkdaşlıq münasibətləri xüsusi yer tutur. 10 yanvar 2023-cü ildə Bakıda Muxtariyyət rəhbərliyinin Azərbaycan Rus İcmasının sədri, Milli Məclisin deputatı Mixail Zabelinlə görüşü baş tutub, MDB məkanında millətlərarası ünsiyyət dili kimi rus dili İli və Azərbaycan xalqının ümummilli liderinin yüzilliyi ilə bağlı Heydər Əliyev İli ilə əlaqədar birgə tədbirlər planı ətraflı müzakirə edilib. Əldə olunan razılaşmaların nəticəsi olaraq 23 fevral 2023-cü ildə Bakıda iki təşkilat arasında əməkdaşlıq haqqında Memorandum imzalanıb.
22 июл 2023