İqtisadiyyat elminin hər kəsə vacib olma səbəbi nədir? 

İqtisadiyyat elminin hər kəsə vacib olma səbəbi nədir?İnsanların istəkləri və ehtiyacları sonsuz, dünyanın resursları isə limitlidir . Dünyanın belə bir quruluşu olduğuna görə İqtisadiyyat elminin yaranma zərurəti otaya çıxdı ki , məhdud resurslar çərçivəsində insanlar doğru qərarlar verə bilsin . Bu qərarlar individual , ailə , şirkət və ya dövlət tərəfindən verilən qərarlar ola bilər. Məsələyə daha sadə baxsaq hər bir insanın gün ərzində 24 saatı var və bu müddətdə qərarvermələr nə qədər düzgün olarsa , insanın qarşısına çıxan nəticələr də bir o qədər məhsuldar olar . Iqtisadiyyat cəmiyyətin məhsul və xidmətləri necə yaratdığını və necə istehlak etdiyini öyrənən bir elmdir .Hər bir dövlət öz resurslarını necə daha səmərəli istifadə etməyi bilməlidir . Bir ailə daha düzgün qərara verə bilməlidir ki , vəsitini yeni bir avtomobiləmi yoxsa xarici ölkədə səyahətəmi xərcləsin . Əksər hallarda hər şeyi etmək üçün əldə olan büdcə yetərli olmur . Resusrların məhdud olması bizim gündəlik həyatımızda , və ya həyati qərarlarımızda da öz rolunu oynayır. Məsələn ,Universitetə TQDK imtahandan müəyyən bir bal toplamış şagird , artıq bir neçə ixtisas seçimi qarşısında qalır . Qarşısında olan 4 il boyunca o telekominikasiya mühəndisi ixtisasında təhsil almağı qərara alırsa , deməli digər mühəndislik ixtisaslarında , komputer mühəndisliyində , elektronika mühəndisliyində təhsil ala bilməyəcək . Yəni , həmin tələbənin seçiminin dəyəri seçmədiyi hansısa bir ixtisasdır .Bu baxımdan İqtisadiyyat sosial bir elmdir və bizim hər seçimimzin alternativ dəyəri , faydası var .
Alternativ dəyər anlayışı iqtisadi kitablarda sadə olaraq adətən belə formada izah olunur ; Təsəvvür edin ki , sizə 2 meyvə təklif olunur , bunlardan biri alma digəri isə şaftalıdır deyək . Bu zaman sizə yalnız bir meyvəni seçmək hüququ verilir . Burda alternativ dəyər anlayışı belə izah edilir ki , məsəslən sizin alma seçməyinizin alternativ dəyəri şaftalıdır . Şaftalı seçməyinizin alternativ dəyəri isə almadır. Günlük həyatımızda da belədir , seçdiyimizi bir qərarın dəyəri seçmədiyimiz digər qərarlardır.
---------------------------------------------------------------------------------------------------------------------------------------------------------------
Animasiyanın hazırlanmasında istifadə etdiyimiz proqram: tidd.ly/2PdkVCV
Bizim animasiya xidmətimiz üçün əlaqə: / businestalks
---------------------------------------------------------------------------------------------------------------------------------------------------------------
Mətn və Səsləndirmə müəllifi : Kamran Tağıyev
Animasiya müəllifi : Ülkər Axundova