İsmail Türkel - Sənə Bənzəyir 

Söz-Müsiqi: İsmail Türkel
... Sənə Bənzəyir
Yazda yaşıllaşan tazə yarpaqlar
Payıza qalanda sənə bənzəyir
Var olmuş bütün tərkedişləri
Yadıma salanda sənə bənzəyir
Sevgin ürəyimdə qalan deyirəm
Hər gecə həsrətə salan deyirəm
`Mən səni unutdum` - yalan deyirəm
Dilimdə yalan da sənə bənzəyir
Bu gecə həsrətdən nəğmələr qoşaq
Demirəm qayıt gəl bu dərdi aşaq
Anasın itirmiş bir yetim uşaq
Gözləri dolanda sənə bənzəyir
Ötən hər bir günü xəyalınla say
Yalnızlıq nə demək əllərindən pay
Gecənin tənində o işıqlı ay
Yalquzaq qalanda sənə bənzəyir
Ürəkdən yuxarda səsimin tonu
Unutdum artıq mən ,unutdum onu
Ağ pərdə ardında hər filmin sonu
Ayrılıq olanda sənə bənzəyir
Kəsməyin qarşısın , önünü açın
Həsrətdir ürəyə bəlkə əlacın
Payız fəslində külək ağacın
Saçların yolanda sənə bənzəyir
Bununla gəl barış, yoxdur sabahın
Hər gecə qatlanıb çoxalır ahın
Dərdi də birə-beş verən Allahın
Qadasın alanda sənə bənzəyir
Sevgilər bitəndir, qalır anılar
On illik keçmişlər bugün sanılar
Yazılıb, yazılan bütün mahnılar
Hüzünlü çalanda sənə bənzəyir
Sevgin ürəyimdə qalan deyirəm
Hər gecə həsrətə salan deyirəm
`Mən səni unutdum` - yalan deyirəm
Dilimdə yalan da sənə bənzəyir
İsmail Türkel