18+
Filmin mövzusu 60-cı illərdə Azərbaycanda baş vermiş hadisələr ətrafında cərəyan edir. Əvvəllər güləş üzrə idmançı olan Murad Əbiyev gözlənilmədən qalantereya sexinin rəisi təyin edilir. Günlərin birində o, qeyri-qanuni mal istehsal edib satdığına görə həbs olunur. Müstəntiq Seyfi Qəniyev vicdanlı, güzəştə getməyən, billur kimi təmiz adamdır. Muradla bağlı işi apararkən o, belə nəticəyə gəlir: Əbiyev əsas cinayətkar deyil, o, pərdə rolunu oynayır, bu pərdənin arxasında isə əsl cinayətkar işbazlar durur. Onları üzə çıxarıb ifşa etmək lazımdır.
Filmin çəkilişləri Bakı, Moskva və kinostudiyanın həyətində qurulmuş pavilyonda lentə alınıb.
Rejissor: Rasim Ocaqov
Ssenari müəllifi: Rüstəm İbrahimbəyov
Operator: Rafail Qəmbərov
Rəssam: Fikrət Bağırov
Bəstəkar: Emin Sabitoğlu
Rollarda: Aleksandr Kalyagin (Seyfi Qəniyev), Həsən Məmmədov (Murad Əbiyev), Şəfiqə Məmmədova (Gülya Qəniyeva), Yelena Prudnikova (Ayan Əbiyeva), Rasim Balayev (podpolkovnik Elmar), Yevgeni Lebedev (Muradın kamera qonşusu), Tofiq Mirzəyev (Teymur), Həsənağa Turabov (general)
İstehsalçı: Azərbaycanfilm
Janr: detektiv, dram
XIII Ümumittifaq Kino Festivalı - “ən yaxşı bədii film” (1980, Düşənbə)
Rejissor Rasim Ocaqova SSRİ dövlət mükafatı (1981)
Ssenari müəllifi Rüstəm İbrahimbəyova SSRİ dövlət mükafatı (1981)
Operator Rafail Qəmbərova SSRİ Dövlət Mükafatı (1981)
Rəssam Fikrət Bağırova SSRİ Dövlət Mükafatı (1981)
Aktyor Aleksandr Kalyaginə SSRİ Dövlət Mükafatı (1981)
Aktyor Həsən Məmmədova SSRİ Dövlət Mükafatı (1981)
Aktrisa Şəfiqə Məmmədovaya SSRİ Dövlət Mükafatı (1981)
7 июн 2022
