idle air controller repair byd f3
اصلاح صمام ايدل سيارة byd f3 العطل الذي حير الكثيرين وعجز الجميع عن حل المشكلة
بفضل الله تم الوصول للحل واعادة تشغيل الصمام بكفاءة
ارخم مشكلة بتقابل كل ملاك byd
الايدل
- اتكلمنا كتير عن المشكلة واعراضها معروفة للجميع ما بين تبطيل وزيادة ال rpm عن الطبيعي ونخعة في العربية وتنتيش لما تشيل رجلك من على دواسة البنزين واستهلاك عالي للبنزين
- الحساس بيشتغل ازاي ؟؟
عبارة عن صمام محوري على موتور خطوات stepper motor
موتور الخطوات الفرق بينه وبين الموتور العادي انك كمبرمج تقدر تديله عدد اللفات اللي انت عاوزه ممكن لفة او اتنين او خمسين حسب ما حضرتك محدد عموما دي احنا مش بنتحكم في عدد اللفات لان البرمجة مقفولة داخل الكنترول ومش دي المشكلة بتاعتنا
عموما مع الوقت الحساس بيفقد مرونة الحركة بتاعته والسوستة بتضعف
- فكرة التنظيف والتزييت علشان نرجع مرونة الحركة من تاني
- بعد التنظيف طبعا وربط مسمار الصمام وتغيير الاولسيه لو تالف واصبح الصمام كدة حركته طبيعي بيلف دخول وخروج نيجي لاهم نقطة وهي الوضع الافتراضي للحساس اللي هانظبطه احنا يدوي لغاية ما تعرف مقاس الظبطة اليدوي وممكن تقيسها بمسطرة بعد ما يظبط معاك
- هانظبطه ازاي ؟؟
لو ال rpm عالي معانا عن الطبيعي يبقا كدة في نسبة هواء زيادة داخلة في الحريق يعني هانفك الحساس من البوابة ونلف المسمار لفة او لفتين في اتجاه الفك
لو ال rpm واطي والعربية بتبطل يبقا هانلف المسمار في اتجاه الربط علشان ندخل نسبة هواء اكبر تزود الحرق ونقفل ونجرب تاني
- خد بالك من الفيشة بالله عليك علشان ماتبوظش منك في السكة ولو بختين اكاي ازرق تبقا عملت الصح
- لو استفدت من كلامي ادعيلي دعوة حلوة
وماتنساش تعمل اشتراك في القناة
تابعونا على الفيسبوك www.facebook.c...
6 сен 2024
