كلنا يد بيد من اجل محاربة الوباء 🙏🏻👇🏻 اللهم أَذْهِبِ البَاسَ، رَبَّ النَّاسِ، وَاشْفِ أَنْتَ الشَّافِي، لا شِفَاءَ إلَّا شِفَاؤُكَ، شِفَاءً لا يُغَادِرُ سَقَمًا ياربي تحفظكم نتضامنو جميع نبقااااااو في دار 🙏🏻
شكون لي بغا هاد كورونا يمشي دغيا و بلا خسائر بشرية😟 و جي رمضان انشاء الله و نخرجو للتراويح دعيو اخوتي يمشي هاد المرض أو بقاو فديوركوم😑 كولشي اي ميسس يووو😕😫❤
ملحوظة بالنسبة لخونا طارق علي قبل ما تفكر تدخل عالم التداول قرا هادشي غانعطيكوم رأيي بالنسبة للتداول فالمنصات الرقمية عامة و سوق العملات خاصة شخصيا كنت كانتداول فالكابل أو الجنيه الأسترليني مقابل الدولار هادشي ف 2015 فمنصة إيتورو المشهورة صراحة تعلمت بسرعة و وليت كانربح 100 دولار فالأسبوع كاتبان مزيانة ياك؟ القضية هو أن أي صفقة كاتبدا يا بالبيع أو بشراء عملة و كاتنتاهي بإغلاق الصفقة سوا يدويا أو تلقائيا بعدما كاتوصل للحد الأقصى للربح اللي كاتحددو نتا أو كذلك ملي كاتوصل للحد الأقصى للخسارة اللي حددتيه أو أن الخسارة خلاتك على الضس و ما بقى عندك ريال فالحقيبة أو ما يسمى البورتفوليو البزطام بالدارجة. و ماشي كيفما شائع الناس كايحساب ليها الربح كاين فحالة ارتفاع العملة فقط راه ممكن تربح حتى فحالة هبوط العملة نعطيك مثال نتا متلا كاتداول فالكابل أو الجنيه مقابل الدولار الرمز كايكون هاكا GBP/USD ملي كاتدخل السوق كاتلقى أرقام المعاملات كاتشير و نتا مافاهم وزة متلا كايكتبو ليك: GBP/USD=1.3214 بكل بساطة هدا كايعني أن جنيه أسترليني يساوي 1.3214 دولار التغيرات اللي كاتوقع كاتكون فدوك أربعة ديال الأرقام اللي بعد الفاصلة ملي يولي الرقم 1.3215 كاتقولو أن الجنيه طلع ب 1 PIPE يعني طلع بجعبة ماعرفتش علاش سماوها جعبة هاد الجعبة اللي تحركات بيها العملة كاتحدد ليك شحال ربحتي أولا خسرتي وفقا لمجموعة محددات هي: المبلغ المستثمر فالصفقة مقدار المخاطرة أو المصعد المبلغ المستثمر ما يحتاج شرح اللي استثمر مليار ماشي بحال مول 100 درهم مقدار المخاطرة أوالمصعد: هادي هي اللي كاتخليك واخا تستثمر غا 100 درهم ممكن تربح بحال اللي مستثمر أكثر منك لأن الرباح ديالك كايتضوبل ولكن حتى الخسارة ديالك كاتضوبل و كدلك ممكن يخليك ماتخسرش بزاف و كدلك ماتربحش بزاف كايبدا من 25 فالمائة و كايوصل ل 500 فالمائة. ايلا كنتي فاتح صفقة بيع و العملة هبطات راك كاتربح و ايلا طلعات راك كاتخسر ايلا كنتي فاتح صفقة شراء و العملة طلعات راك رابح و ايلا هبطات راك خاسر ملي كاتولي تربح بزاف كاتبدا المنصة تشهرك بحال يوتيوب لأن إيتورو كانت فيها خاصية النسخ يعني كاتنسخ شي متداول و فيما دار شي صفقة كاتدير حتى نتا بحالها تلقائيا بلا ماتكون حاضر ايلا شرا كاتشري ايلا باع كاتبيع ايلا ربح كاتربح ايلا خسر كاتخسر و هو كايولي يضرب الصرف على ظهرك لأن المنصة كاتدعمو حيت كايجيب ليها المستعملين نرجعو لتجربتي كنت غادي مزيان حتى لشهر دجنبر 2015 ملي تدار الإستفتاء ديال بريطانيا واش تبقى فالاتحاد الأوروبي طاح الجنيه و مشى ليا كولشي عام ديال تامارة مشات بسبب قرار واحد دعيتك لله أ ديفيد كاميرون خاصك تعرف أن سوق العملات كايبقى خدام على طول السيمانة من الاتنين حتى للجمعة بالليل و النهار يعني فتحتي شي صفقة ماتبقاش تقدر تنعس كاتبقى حاضي المبيان هاهو طلع ها هو هبط كتير شي أنا كنت خدام بالبيسي يعني مابقى عندك شغل ولادك و مراتك غادي تهملهوم و تبقى ديمان عايش فالقلق حاجة أخرى ملي كاتكون رابح ماكاتبغيش تسد الصفقة لأنك كاتطمع و لكن ممكن السوق يتقلب فلحظة و كاتولي ندمان و ممكن تبقى عام و نتا كاتسنى السوق يرجع كيما كان وممكن تسد الصفقة على خسارة باش مايمشيوش ليك فلوسك كاملين. هادشي ما كايختالف على التقمار بوالو و خاصك تعرف أنه مايمكنش كولشي يربح راه إيلا ربحتي عرف باللي بزاف خسرو المنصات عموما هاد الأيام عرفات تراجع فالمستثمرين لأن حد ما بقى عارف العالم فين غادي الاقتصاد واقف القوى الصناعية تقلبات بانت دول اقتصادها قوي خرجات شركات من البورصة اللي عندو شي ريال كمش عليه.... و بالتالي المنصات ولات باغية ضحايا جداد كايحلمو بالثروة باش تاخد ليهوم رزقهوم و هادشي علاش خرج لينا الأخ طارق علي دخلنا عليكوم بالله واش اللي لاباس عليه لهاد الدرجة غايمشي يفتح قناة و يبدا يعطي فلوس باش القناة تشهر من راسك نتا ملي تولي عندك فيراري واش غادي تستر و تخبى ولا تبدا توريها للناس نصيحة من واحد دازت عليه اهرب و بعد من هادشي راه نصب و احتيال و البورصة كاتقلب على ضحايا و سيفطو ليكوم طارق علي باش يصيدكوم.
خوتي خواتاتي الله إحفضكوم راني درت واحد الفيديو فاليوتيب قمنا بمبادرة تعقيم المنازل والشوارع نتمنى تهجمو وتبارطجيو الفيديو الله إحفضكوم زعما منستاهلوش دعم منكم 😭
