IMPINDUKA ZIKOMEYE MURI PENTECOTE BURUNDI 

Oct 23, 2024 #EglisePentecoteduBurundi #Ishengero #PentecoteBurundi
IMPINDUKA IMPINDUKA MW'ISHENGERO RYA PENTEKOTE MU BURUNDI Nk'uko amakuru dukura mu barongozi b'iryo shengero yadushikiriye kur'uyu wa 23/10, ishengero rya Pentekote ryasubiwemwo uburyo ritunganijwe ivyatumye hashirwaho uwurirongoye ku rwego rw'igihugu bise '' Super Archeveque'' NIZIGAMA Esron asanzwe arongoye Ishengero rya Pentekote ryo mu Kayogoro akaba ariwe agiye kuja mu kibanza ca '' Super Archeveque''. akazoba afise icegera ciwe : Vice-Super Archeveque akazoba Onesphore RUKWIRIKANYA asanzwe arongoye ishengero rya Pentekote ry'i Bujumbura. Iyindi mpinduka ikomeye yahabaye n'uko hashizweho urwego nshingwantwaro '' Conseil d'administration'' irongowe na Pasteur Charles KARENZO, Vice President akitwa Claver . Hashizweho kandi aba Archeveque 5 bazoramutswa intara z'igihugu nshasha '' Burunga, Buhumuza, Butanyerera, Gitega na Bujumbura''. Intara ya Bujumbura ikaba yahawe uburongozi bwa Archeveque Onesphore RUKWIRIKANYA Intara ya Gitega irongowe na Archeveque Claver Intara ya Buhumuza irongowe na Archeveque Sebatien Intara ya Butanyerera ikaba irongowe na Archeveque Jacques Mu gihe intara ya Burunga irongowe na Super Archeveque Esron. Iyindi mpinduka yahabaye ikaba iyo gufuta ivyahora vyitwa ama '' MISIYONI'' ivyahora ar'imbibe zavyo canke amatati ajanye navyo bikaba vyakuweho, aho buramatari azoba ageza kurongora muvy'igihugu akaba arinaho Archeveque azoba ageza muvy'ishengero. Hagiye gutegurwa amategeko agenga izo mpinyanyuro nshasha. Aba archeveques babicishije kuri Archeveque mukuru { super archeveque} bakaba bafise ububasha bwo guhindurira aho bakorera aba Reverend Pasteur bahora barongoye ama MISIYONI canke bakabasubiriza. uburongozi bwose mw'ishengero rya Pentekote bukaba bufise ikiringo ( ivyo kugumbira ubutegetsi canke gukurwaho n'urupfu bikaba vyafuswe super archeveque afatanije n'icegera ciwe hamwe na Conseil d'administration bakaba bashobora gukuraho umu archeveque yagiye mu bitabereye conseil d'administration ifatanije n'inama y'aba archeveque bakaba bashobora gukuraho Super Archeveque mu gihe ahushije intumbero nziza. Twobamenyesha ko ishengero rya Pentekote rya rimaze iminsi mu matati atavugirwa hejuru ariko yari hagati y'uburongozi bw'ama misiyoni hamwe n'uruhara rwa CEPBU ( communaute des eglises pentecotistes du Burundi). N'inkuru tuzobandanya tubakurikiranira. #EglisePentecoteduBurundi #Ishengero #PentecoteBurundi