Andijon shahridagi Olimpiya va paralimpiya sport turlariga tayyorlash markazida tarmoqlararo hududiy sanoat yarmarkasi oʻtkazildi.
Mahalliy ishlab chiqarishni yanada rivojlantirish maqsadida tashkil etilgan sanoat yarmarkasida avtomobilsozlik, transport va logistika, elektrotexnika, toʻqimachilik, charm-poyabzal, mebelsozlik, farmatsevtika, kimyo sanoati, qurilish materiallari hamda oziq-ovqat mahsulotlari ishlab chiqarishga ixtisoslashgan yuzdan ortiq hududiy sanoat korxonalari oʻz mahsulotlari bilan ishtirok etdi.
Tadbirning ochilishida soʻzga chiqqan viloyat hokimi Shuhrat Abdurahmonov soʻnggi yillarda mamlakatimiz iqtisodiyot tizimini liberallashtirish, ishbilarmonlik muhitini yaxshilash, qulay investitsiya muhitini yaratish, sanoat tuzilmasini diversifikatsiya qilish, eksportni qoʻllab-quvvatlash, import oʻrnini bosuvchi tovar va mahsulotlar ishlab chiqarishni yanada koʻpaytirish davlat siyosatining ustuvor yoʻnalishlariga aylanganini bildirdi. Shuningdek, sanoat yarmarkalarining oʻtkazilishi katta ahamiyatga ega ekanligi, ishlab chiqaruvchilarni bir-biriga bogʻlovchi katta maydon vazifasini oʻtayotganini taʼkidladi.
Ushbu yarmarkada Andijon mashinasozlik instituti professor-oʻqituvchilar tomonidan mahalliylashtirishga taklif qilinayotgan turli jihoz va uskunalar namunalari hamda istiqbolli loyihalar koʻrgazmasi namoyish etildi.
Ikki kun davom etishi koʻzda tutilgan tadbirda tarmoq korxonalar oʻrtasida hamkorlik shartnomalari, shuningdek, import oʻrnini bosuvchi mahsulotlarni kelgusida mahalliylashtirish boʻyicha memorandumlar ham imzolanadi. #tezkor_xabar #янгиликлар #uzbekistan #тезкор #tezkor #расман #new #yangiliklar#uzbek #uzbekistan #andijon #yangiliklar #andijan #dollar #daryo #kunuz #qalampiruz #human #tashkent #tashkentcity #andijonmashinabozori #and #institute #university #talaba #student #mashinasozlik #mashina_narxlari #elektronik #iqtisodiyot #super #tezkor #intervyu #islam #shorts_video #xabarlar #xabarlaruz #namangan #fargona #fergana #vodiyuz #professor
8 сен 2024
