20 сентябрь куни Нью Йоркдаги БМТ қароргоҳи олдида бир гуруҳ ўзбек фаоллари президент Шавкат Мирзиёев ҳукуматидан Ўзбекистон қамоқхоналаридаги журналист ва блогерларни озод қилиш, мухолифат, диндорлар ва фуқаро жамияти фаолларига қарши таъқибларни тўхтатиш талаблари билан намойиш ўтказишди.
Бир кун аввал президент Мирзиёев БМТ Бош Ассамблеясидаги нутқида Ўзбекистонда фуқаро эркинликларининг кенгайтирилгани, мамлакат ҳуқуқий ва демократик “Янги Ўзбекистон”ни барпо этиш йўлидан бораётганини иддао қилган эди.
Намойиш ташкилотчиларидан таниқли журналист ва собиқ депутат Жаҳонгир Муҳаммад Мирзиёев ҳукуматидан Абдуқодир Мўминов ва бошқа журналист ҳамда блогерларни озод қилиш, ўзи ваъда қилган сиёсий ислоҳотларни бошлашни талаб қилди.
Намойишда иштирок этган АҚШда яшовчи бошқа фаоллар мамлакатда сиёсий эркинликларни таъминлаш ва инсон ҳуқуқларини поймол этишга чек қўйишга чақирдилар.
Намойиш ҳақида журналист Жаҳонгир Муҳаммад бир неча кун аввал ижтимоий тармоқларда эълон қилиши ортидан АҚШдаги ватандошларни намойишда қатнашмасликка даъват қилувчи чиқишлар ҳам кузатилди.
Ўзбекистон расмийлари намойишчилар билан мулоқот қилмаган, аммо тармоқлардаги эълон ортидан намойишга қарши чиққан Канадада яшовчи ҳукуматпараст журналист Исмат Хушев намойиш ўтаётган жойда пайдо бўлган. У президент Мирзиёев сиёсатини ҳимоя қилган ва намойиш иштирокчиларидан айримларининг “муаммоларини ҳал қилишга” ваъда берган.
Озодлик намойиш чоғида икки томон ўртасида кечган мунозарани эътиборингизга ҳавола қилмоқда.
🔴 t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
20-sentyabr kuni Nyu Yorkdagi BMT qarorgohi oldida bir guruh o‘zbek faollari prezident Shavkat Mirziyoyev hukumatidan O‘zbekiston qamoqxonalaridagi jurnalist va blogerlarni ozod qilish, muxolifat, dindorlar va fuqaro jamiyati faollariga qarshi ta’qiblarni to‘xtatish talablari bilan namoyish o‘tkazishdi.
Bir kun avval prezident Mirziyoyev BMT Bosh Assambleyasidagi nutqida O‘zbekistonda fuqaro erkinliklarining kengaytirilgani, mamlakat huquqiy va demokratik “Yangi O‘zbekiston”ni barpo etish yo‘lidan borayotganini iddao qilgan edi.
Namoyish tashkilotchilaridan taniqli jurnalist va sobiq deputat Jahongir Muhammad Mirziyoyev hukumatidan Abduqodir Mo‘minov va boshqa jurnalist hamda blogerlarni ozod qilish, o‘zi va’da qilgan siyosiy islohotlarni boshlashni talab qildi.
Namoyishda ishtirok etgan AQSHda yashovchi boshqa faollar mamlakatda siyosiy erkinliklarni ta’minlash va inson huquqlarini poymol etishga chek qo‘yishga chaqirdilar.
Namoyish haqida jurnalist Jahongir Muhammad bir necha kun avval ijtimoiy tarmoqlarda e’lon qilishi ortidan AQSHdagi vatandoshlarni namoyishda qatnashmaslikka da’vat qiluvchi chiqishlar ham kuzatildi.
O‘zbekiston rasmiylari namoyishchilar bilan muloqot qilmagan, ammo tarmoqlardagi e’lon ortidan namoyishga qarshi chiqqan Kanadada yashovchi hukumatparast jurnalist Ismat Xushev namoyish o‘tayotgan joyda paydo bo‘lgan. U prezident Mirziyoyev siyosatini himoya qilgan va namoyish ishtirokchilaridan ayrimlarining “muammolarini hal qilishga” va’da bergan.
Ozodlik namoyish chog‘ida ikki tomon o‘rtasida kechgan munozarani e’tiboringizga havola qilmoqda.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#ozodlik #newyork #uzbek #protest
20 сен 2023
