Sagot ni El Dinamita Juan Manuel Marquez kung sino ang pinakamahusay na nakapalitan niya ng kamao sa kamyamg naging boxing career, alamin!
Inabot ng halos 10 taon sa pagboboksing si Juan Manuel Marquez bago nagkaroon ng kaunaunahang world title. At makaraan pa ang ilang mga taon, kumubra pa si Marquez ng 8 major titles sa 4 na dibisyon.
Isa lamang si Marquez sa tatlong natatanging Mexikano na naging kampeon sa 4 na magkakaibang timbang. Kasama niya sa listahan ang mga boxing hall of famer na sina Jorge El Travieso Arce at Erik El Terible Morales.
Nagtanoong ang ringtv kay Marquez kung sino ang best boxer na kanyang nakalaban sa 10 kategorya at ito ang kanyang sagot.
BEST JAB : Marco Antonio Barrera
Kailangan daw na kalkulahin ni Marquez ng maigi kung saan lalanding ang mga jab ni Barrera para maging epektibo ang kanyang mga counterpunches at mabawasan ang mga patama ni Barrera.
BEST CHIN : Manny Pacquiao
Kahit na napatulog ni Marquez ng lucky punch si Pacquiao, si Manny pa din daw ang may pinakamatibay na panga sa kanyang mga naka-suntukan. Kaya daw saluhin ng pambansang kamao ang malalakas at todo bigay na suntok ni Marquez at ang malupit pa ay ibabalik daw ito ni Pacman ng siksik, liglig at umaapaw.
FASTEST HANDS : Pacquiao
Basta usapang speed at power, isa lang ang pangalang umaalingawngaw sa mundo ng boksing at yun ay Manny Pacquiao. Kahit sinong boksingero, trainer at boxing promoter and tanunngin, iisa lang tiyak ang isasagot.
FASTEST FEET : Pacquiao:
Kakaiba talaga ang footwork ni Manny. Ito ang madalas i-highlights ng kanyang mga nakalaban. Mabilis siyang nakakauha ng mga kakaibang angulo para paulanan ka ng mga suntok. Ika ng ani Rios, akala niya e tatlong many ang nakalaban niya sa ring dahil sa tuwing magbibitaw siya ng suntok, nakahakbang na si Manny papalayo.
SMARTEST : Sergey Fedchenko
Hindi man kilala ang nakabanga ni Marquez noong April 14, 2012 na si Fedchenko ay Nakita niya dito ang kanyang sarili sa mga counterpunching-skills ng Ukranian. Panalo naman si Marquez via unanimous decision ngunit tumatak sa kanyang isipan ang istilo ni Fedchenko
STRONGEST : Pacquiao
Mabilis na binangit ni Marquez ang pangalang Pacquiao sa kategoryang ito. Ang generated power daw ng mga kamao ni Manny ay galing sa hips o baywang. Kailangan daw na maging mabilis si Marquez para hindi magamit ni Pacman ang kanyang mga power moves dahil kung hindi, tiyak na sa kangkungan siya pupulutin.
BEST PUNCHER : Pacquiao
Sa loob ng 21 years ng pagboboksing ni Marquez, namumukod tangi na si Manny daw ang pinakamalakas manuntok. Kahit na nakalaban niya si Floyd Mayweather, hindi man lang nag-iwan ng marka ang mga suntok nito sa kanya.
BEST DEFENSE : Pacquiao
Ito sana ang ang kategorya na malinaw na si Mayweather ang lalabas na sagot, ngunit mas epektibo daw ang depensa ni Pacquiao kesa sa shoulder roll ni Mayweather. Mahirap daw patamaan ng malinis na suntok si Pacquiao kahit sa sabayan. Nabangit din ni Marquez ang Ukranian fighter na si Fedchenko
BEST SKILLS : Juan Diaz
Isa sa 3 kategorya na hindi nabangit ang pangalang Manny Pacquiao. Ibinigay ni Marquez ang kategorya na ito kay Juan Diaz. Panalo si Marquez via unanimous decision ngunit nahirapan siya sa pagiging agresibo at mailap ni Diaz. Nabangit din ang pangalang Joel Casamayor sa kategoryang ito.
BEST OVERALL
Pacquiao: Without doubt, the best pound-for-pound of his time and I faced him at his best
At nang tanungin kung sino ang best Overall fighter na kanyang nakalaban, di man lang kumurap si Marquez ng ipiniyok ang pangalang Manny Pacquiao. Todo-respeto ang mehikano sa one and only 8 division champ dahil nakasayaw niya sa lona ng 4 na beses ang isa sa mga naging pound for pound king at living legend.
Huling lumaban si Marquez ay noong April 17 2014. Nakuha ni El Dinamita ang WBO International Welterweight title via unanimous decision kontra kay Mike Alvarado. Sasabak sanang muli si Marquez noong 2016 ngunit hindi natuloy dahil sa mga injuries at ito din ng ang matibay na dahilan ng kanyang pag anunsiyo sa pagreretiro noong August 4 2017.
Hindi natin malilimutan ang mga laban ni Marquez dahil siya lang ang natatanging boksingero na nagpahirap kay Pacquiao. Ika nga e kontrapelo ng ating pambansang kamao. Gayunpaman - tangap siya ng milyon-milyong Pilipino na isa sa mga mahuhusay na boksingero.
Credits :
www.ringtv.com/508347-best-fa...
26 апр 2020
