Isaorana ny Tompo tamin'ireny mpanompony maro mandalo teto amin'ny asan'ny UGBM ireny ka nandao antsika vao tsy ela loatra. Raisina ohatra amin'izany :
Ndriana Ramamonjy, izay anisan'ireo nampiaina izany atao hoe HIRA sy FANENTANANA ( HIFA) tamin'ny taona 1975 sy ny manaraka fony tao amin'ny faculté de médecine izy. Tsy ho ary voatanisa ny asa fanompoana nataony ka tao anatin'izany ny fitoriana / tournées maro hananganana GBS tany amin'ny faritra maro. Ao koa ireo hira maro izay navelany voaraikitra ao amin'i SEDERA UGBM.
Lalaharivony, mpikambana tao amin'ny Cellule Sciences teny Ankatso taona 1978 tany ho any.
Marthe Hervé no mpiandraikitra izany. Na dia samy sarotiny aza teo amin'ny fandinihana ny texte, i Marthe dia tena sérieuse fa i Lalaharivony indray manana izay fijeriny ahafataran'ny maro azy izay.
Dera sy laza no atolotra ny Tompo noho ny nanomezany an'i UGBM an'ireny mpanompony ireny. Mety betsaka amintsika zandry taty aoriana no tsy nahafantatra azy ireo. Izany no antony hanoratana ny tantaran'ny UGBM.
Ho an'Andriamanitra irery ihany anie ny haja sy ny voninahitra .
Lasa ny mpanompo fa ny Tompo mijanona.
17 окт 2024
