Jamita Epistel Minggu XVIII Trinitas
29 September 2024
Markus 9:38-50
“Pangurupion di hita di bagasan Goar ni Jahowa”
Huria ni Tuhanta….
Ilustrasi: Kisah Pangeran Sutasoma.
Ise hita naung hea tu Candi Borobudur? Di relief Candi Borobudur adong dipahat cerita fragmen kisah Pangeran Sutasoma (disebut Bodhisattva). Unik do pangeran Sutasoma on: ia halak mangalului ngolu na sonang, hape Sutasoma manadinghon ngolu na sonang di istana. Halak mangalului hamoraon, hape ibana manadinghon warisan istana. Halak mangalului jabatan, hape ibana manadinghon jabatan pangeran Istana. Lari do ibana sian istana, lao tu harangan naeng bertapa. Sada do alasan ni ibana ima: Naeng mamparsiajari ngolu na sintong, ngolu na marguna tu halak na asing (hidup benar, hidup bermakna dan hidup berhikmat). Ai dianggap ibana do, ngolu di istana gok ginjang ni roha, korupsi dohot ngolu na munafik. Ido umbahen ditadinghon ibana istana i.
Tontu godang do tantangan naniadopanna di harangan. Alai singkat cerita, dapotna do sada parsiajaran na mansai arga ima: Sian roha na denggan tubu do na denggan, sian na roa haruar na roa” (dari yang baik keluar yang baik, dan dari yang jahat keluar yang jahat). Di bagasanna adong konsistensi, ndang muramura muba. Molo na denggan do pingkiranna, sai na denggan do ulaonna. Molo na denggan do hata, ingkon na denggan do nang ulaonna. Kata seturut dengan perbuatan, dan pikiran seturut dengan tingkah laku.
On do na diparsiajari pangeran Sutasoma, laos ido tutu diulahon ibana di gulmit ni ngoluna. Terkenal do ibana mangurupi halak nang pe ndang sahaporseaon dohot ibana. Pengikut Sang Buddha do ibana, alai gumodang do diurupi ibana parugamo na asing. Ndang hea pandang bulu ibana manolong halak. Sai dipatupa do na denggan tu sude halak. Ganup diulahon ibana na denggan, dipangke ibana do Konsep Hidup naung pinarsiajaranna i ima: Dari yang baik keluar yang baik, kata seturut dengan perbuatan, dan pikiran seturut dengan tingkah laku. Inilah namanya INTEGRITAS.
Integritas dari akar kata integer artinya utuh atau terpadu. Perkataan terpadu dengan perbuatan. Sadalan do hata dohot pambahenan, ndang holan hata alai dipataridahon di pambahenan. Suang songon i ma nang haporseaonna, sadalan do haporseaonna i tu pangulaonna (iman dan perbuatan harus terpadu, bandingkan Jakobus 2:17). Utuh dan terpadu lapatanna: Na papunguhon do ulaonna, ndang lao paserakhon.
Alai papunguhon i di bagasan ulaon na denggan, na marguna jala na hasea. Ima nilai-nilai na jumpang sian kisah Pangeran Sutasoma na sinurathon ni Mpu Tantular. Laos dipake do i gabe semboyan ni bangsonta Indonesia: Bhinneka Tunggal Ika (lapatanna: Berbeda-beda tetapi satu jua). Marasing suku, daerah, bahasa, dohot marasing ugamona, alai sada do daina ima INDONESIA.
Suang songon i ma ngolu na bermakna, berhikmat dohot na sintong, asa sada do ihotihotna ima: Sadalan do hata tu pambahenan, sadalan do pingkiran tu pangulaonna. Bandinghon tu naniajarhon ni Jesus soal integritas: “Molo hau na denggan sinuan, na denggan ma antong parbuena; molo hau na roa sinuan, gabe roa do parbuena, ai matua sian parbuena do tandaon hau” (Mateus 12:33). Tapasada ma rohanta mangulahon angka na dengganna i. Ai ido na taguruhon jala na tahangoluhon.
Huria ni Tuhanta….
Di turpuk jamita on diajarhon Jesus do ngolu na berintegritas: “Na painumhon aek santahu tu hamu di bagasan goarHu, ala Kristus nampuna hamu; ndang na mago upa ni i” (Markus 9:41). “Sai marsira ma hamu huhut mardame sama hamu” (Markus 9:50). Hata ni Jesus on mangajarhon asa marguna ngolunta laos tadukung jala taulahon ma na denggan maradophon saluhut halak, tanpa memandang sian suku dia ibana, sian dia hutana, manang halak aha ibana. Na mambahen angka na denggan unang nioraan, justru sidukungon do (Markus 9:38).
Ido alus ni Jesus tu angka siseanNa uju dialualuhon nasida adong sahalak na mamangke goar ni Jesus laho pabalihon sibolis, hape halak i ndang sian horong ni sisean ni Kristus i, boha do i??? Alus ni Jesus: Ndang oraanmuna ibana nian. Ai ndang tagamon insahan ni halak Ahu, dung jolo diulahon hagogoon marhitehite goarHu (Markus 9:39).
Asal mangulahon na denggan ma, manang ise na mamangke goar ni Jesus Kristus ndang sioraan i, justru sidukungon do i. Baliksa ma molo dipangke goar ni Tuhan i hape laho mambuat paruntungan tu diriniba ido sipinsangon. Mempertopengkan nama Tuhan untuk keuntungan pribadi, itu jelas salah; bahkan ada juga yang berani bawa-bawa nama Tuhan untuk menyembunyikan kejahatannya, itu yang harus dihukum. Songon nanidok ni Jesus di turpuk on: “Alai na manggasipi, denggan ma ginantunghon losung batu tu rungkungna laho mangalononghon ibana tu laut” (Markus 9:42).
Salam Sejahtera, Salam Sahabat, Salam Sehat.
#jamitapartangiangan
#markus9
#roberthendrasimanjuntak
#robertsimanjuntak
23 сен 2024
