#samidun_pamula#japamalaya#mariya_thumi#prarthanava#ජපමාලය#දේවමාතා#ප්රාර්ථනාව#ශුද්ධවු#ජපමාලය#සහ#ප්රාර්තනව#
ශුද්ධවු ජපමාලය සහ ප්රාර්තනව.
* කුරුසියේ ලකුණ
සාන්ත කුරුසියේ අඩයාලමෙන් අපගේ සතුරන්ගෙන් අප ගලවා දේවා අපගේ දෙවි ස්වාමිනි,පිතාගෙත්,පුත්රයාගෙත් ස්ප්රීතු සාන්තුගෙත් නාමයෙන්...ආමෙන්.
* විශ්වාස ලක්ෂණය
අහස පොළොව මැව් සර්වබලධාරී වූ පිතාවන දෙවියන් කෙරෙහිද,ඔහුගේ ඒක පුත්රවු අපගේ ස්වාමිවු ජේසුස් ක්රිස්තු කෙරෙහිද විශ්වාස කරමි.මොහු ස්ප්රීතු සාන්තු විසින් ගැබ වැස කන්ය මරිය තුමන්ගෙන් උපන්නාහ.පෝන්සියෝ පිලාත්හට යටත්ව වදවිද කුරුසියේ ඇණගැසුම් කා උකුත් වී තැන්පත් කරන ලද්දාහ.පාතාලයට බැස තුන්වෙනිදා මළවුන් කෙරෙන් උත්ථාන කර වදාරා පරමණ්ඩලවල නැගී සර්ව වල්ලභවු දෙවි පියානන්ගේ දකුණු පාර්ශවයෙහි වැඩ සිටින්නාහ.එහි සිට ජීවතුන්ටත් මළවුන්ටත් නඩු වදාරන්නට වඩිත්මය.ස්ප්රීතු සාන්තු කෙරෙහිද,සාධාරණ සාන්ත සභාවෙහිද,සාන්තුවරයන්ගේ සමෝස ධර්ම ලාභයෙහිද,පාප ක්ෂමාවෙහිද,මාංශොස්ථානයෙහිද,අනන්ත ජීවිතයෙහිද විශිවාස කරමි
ආමෙන්.
* පරමණ්ඩල ආරාධනාව.
ස්වර්ගයෙහි වැඩ සිටින අපගේ පියාණනි,ඔබගේ ශ්රී නාමයට ප්රශංසා වේවා.ඔබගේ රාජ්යය පැමිණේවා ඔබගේ කැමැත්ත ස්වර්ගයෙහි මෙන් මෙලොවෙහිද ඉටුවේවා.අපගේ එදිනෙදා භෝජනය අද අපට දානය කල මැනව.අපට වරද කරන අයගේ වැරදි අප කමා කරන්නාක් මෙන්, අපගේ වැරදිද කමා කළ මැනව.පාප අවස්තාවනට අසුවීමට අපට ඉඩ නොදී අයහපතින් අප මුදාගත මැනව.ආමෙන්..
* දේවදූත මංගලම්
නමෝ මරියනි,ප්රිය ප්රසාද පූර්ණවන්තියනි ස්වාමින් වහන්සේ ඔබ කෙරෙහිය.ස්ත්රීන් අතුරෙන් ආශිර්වාද ලද්දී ඉබ වහන්සේය.ඔබගේ ශ්රී කුසෙහි ඵලවන් ජේසුස් ආශිර්වාද ලද්දාහුමය.සාන්ත මරියනි,දේව මෑණියනී,පාපිවු අප උදෙසා දැනුත් අපේ මරණ වේලෙහිත් යාච්ඤා කළ මැනව- ආමෙන්..
* ත්රීත්ව ස්ත්රෝත්රය
පිතා පුත්රයා ස්ප්රීතු සාන්තු නම් ත්රීත්ව ඒක දේවෝත්තමයාණන් වහන්සේට ස්ත්රෝත්ර වේවා.ආදි වුවාක් මෙන් දැනුත් නිති පතාත් අනන්ත කාලයක් වේවා.
ආමෙන්..
* පාතිමාවේ යැදුම
අහෝ මාගේ ජේසුනී,අපගේ පාප වලට ක්ෂමා වුව මැනව.නිරා ගින්නෙන් අප ගලවා ගත මැනව.සියළු ආත්මයන්ද,විශේෂ කොට ඔබගේ දයාව ඉතා උවමනාවු ආත්මයන්ද ස්වර්ග රාජ්යයට ගෙන්වා ගත මැනව.
සොම්නස් අභිරහස්
1,දෙව් මවුන්ට මංගලම් කීම.
2,එළිසබෙත් තුමිය බැහැ දැකීම.
3,දෙව් බිළිදාගේ උත්පත්තිය.
4,දේව බිළිදාණන් දේව මාලිගයේ පුද කිරීම.
5,දෙව් කුමරා දේව මාලිගාවේ නැති වී සිට සම්බ වීම.
(මේ සෑම අභිරහසක් අවසානයෙ දී පහත දැක්වෙන පරිදි ජපමාලය උච්චාරණය කරන්න.)
ස්වර්ගයේ වැඩ සිටින, නමෝ මරිය 10,* පිතා පුත්රයා,* පාතිමාවේ යැදුම.)
2 окт 2024