نہ کَرو جُدا خُدارا مُجھے اَپنے آستاں سے نہ مِلے گا پِھر سَہارا جو اُٹھا دِیا یَہاں سے یَہی میری بَندگی ہے یَہی میری سَجدہ ریزی کہ ذَرا لِپَٹ کہ رو لُوں تیرے سَنگِ آستاں سے تُو ہَزار بار ٹُھکرا میرا سَر یَہِیں جُھکے گا میرے دِل میں ہے مُحبَّت تیرے سَنگِ آستاں سے مُجھے خاک میں مِلا کَر میری خاک بھی اُڑا دے تیرے نام پَر مِٹا ہُوں مُجھے کیا غَرض نِشاں سے نہ ہو پاسِ پَردَہ اُن کو نہ یہ پَردَہ دارِیاں ہوں میری دُکھ بَھری کَہانی جو سُنیں میری زُباں سے اِسی خاکِ آستاں میں اِک دِن فَنا بھی ہو گا کہ بَنا ہُوا ہے بیدمؔ اِسی خاکِ آستاں سے....! کَلام: بیدمؔ شاہ وارثیؒ
