29 январ - Ўзбекистон халқ ҳофизи, бастакор Жўрахон Султонов (1903-1965) таваллуд топган куннинг 120 йиллиги / 29 yanvar - O'zbekiston xalq hofizi, bastakor Jo'raxon Sultonov (1903-1965) tavallud topgan kunning 120 yilligi
Машҳур ўзбек хонандаси, созанда ва халқ ҳофизи Жўрахон Султонов 1903 йилда Марғилонда туғилган.
1920 йилда Муҳиддин Қориёқубов биринчи этнографик ансамблнини ташкил этганда , ўша даврнинг атоқли санъаткорлари Юсуфжон қизиқ Шакаржонов, Уста Олим Комилов, Тўхтасин Жалилов, Аҳмад Умрзоқов, Абдуқодир Исмоиловлар билан биргаликда, Жўрахон Султонов ҳам шу ансамбль таркибида ўзининг ёқимли қўшиқлари билан эл назарига тушди.
Жўрахон Султонов 1928 йилдан мусиқали драма, 1932 йилдан Ўзбек Давлат мусиқали театрида, 1936-1939 йилларда Ўзбек Давлат филармониясида, 1940 йилдан 1950 йилгача Муқимий номидаги мусиқали драма ва комедия театрида, 1958 йилдан умрининг охиригача Ўзбекистон Радиосининг "Мақом" ансамблида фаолият кўрсатди. «Буюк хизматлари учун» ордени соҳиби.
Жўрахон Султонов 1965 йилда Марғилон шаҳрида вафот этди.
Mashhur o'zbek xonandasi, sozanda va xalq hofizi Jo'raxon Sultonov 1903 yilda Marg'ilonda tug'ilgan.
1920 yilda Muhiddin Qoriyoqubov birinchi etnografik ansamblnini tashkil etganda , o'sha davrning atoqli san'atkorlari Yusufjon qiziq Shakarjonov, Usta Olim Komilov, To'xtasin Jalilov, Ahmad Umrzoqov, Abduqodir Ismoilovlar bilan birgalikda, Jo'raxon Sultonov ham shu ansamblь tarkibida o'zining yoqimli qo'shiqlari bilan el nazariga tushdi.
Jo'raxon Sultonov 1928 yildan musiqali drama, 1932 yildan O'zbek Davlat musiqali teatrida, 1936-1939 yillarda O'zbek Davlat filarmoniyasida, 1940 yildan 1950 yilgacha Muqimiy nomidagi musiqali drama va komediya teatrida, 1958 yildan umrining oxirigacha O'zbekiston Radiosining "Maqom" ansamblida faoliyat ko'rsatdi. «Buyuk xizmatlari uchun» ordeni sohibi.
Jo'raxon Sultonov 1965 yilda Marg'ilon shahrida vafot etdi.
26 авг 2024