1.-Direkte jeneral PNH La,Rameau Normil salye rive aye madi a nan potoprens,yon dezyem kontenjan anviwon 200 polisye Kenyan,nan kad deplwaman fos miltinasyonal la .
Polisye sa yo vin ede PNH la batay kont gang ak zam yok ap teworize popilasyon an ,dapre chef polis la,Rameau Normil sou pis ayopo entenasyonal Tousen Louveti a akonpaye chef twoup kenyan yo an ayiti,enspekte polis Godfrey Otunga .
2.-Sa fe yon total 400 polisye etranje ki sou teritwa nasyonal la - Yon premye kontenjan polisye Kenyan te debake nan peyi a ,madi 25 jen pase a .
Gouvenman kenya te pwopoze pou voye 1000 polisye an ayiti ,mete sou 1500 lot kap soti nan dives lot peyi tankou benin,tchad,Bangladesh,Bahamas ak barbad , pou vin ede PNH la kwape zak bandi yo epi reprannn kontwol 80% teritwa pedi yo .
3.-Pa gen okenn negosyasyon posib ak bandi ,deklarasyon konseye-prezidan Lesly Voltaire ,nan yon kominike ki pote dat 15 jiye 2024 .
Kriminel sa yod we fe fas ak lajistis ,dapre Lelsy Voltaire ki raple ayiti ap fe fas yon ogmantasyon gang ak zam yo depi plizye lane kote yo komet anpil krim,anlevman ak vyol .
Pou kounya konsey tranzisyon an ap mobilize tout mwayen nesese yo pou ranfose PNH ak fos lame a ,yon fason pou retabli sekirite sou tout teritwa nasyonal la ,dapre ekip kominikasyon konseye prezidansyel Lesly Voltaire .
4.-Majistra nan diferan jiridiksyon peyi a deside bay met Wando Saint -villier yon dezyem manda pou al reprezante jij tribinal premye enstans yo nan CSPJ a ak yon total 141 vwa sou 144 swa 97.9 % vot yo .
Se aye madi a eleksyon an dewoule nan otel el rancho an prezans prezidan CSPJ a,majistra Jean Joseph lebrun ak manm komisyon elektoral yo .
Reprezantan tribunal premye enstans yo nan CSPJ ,majistra Wando Saint villier ,pwomet poul kontinye travay nann entere majistra yo ak pou yon jistis endepandan nan peyi a .
5.-Fanmi atis Mechans T toujou san nouvel li depi 4 jiye pase a .
2 lot fanmi ki pale ak korespondan nou ozetazini, Luckson Saint -vil fe konnen yo gen pwoch yo yap cheche depi 3 ak jiye pase a , kitap vwayaje nan yon ti bato soti Bahamas pour antre ilegalman nan peyi etazini .
Menmjan ak fanmi MechansT ,fanmi sa yo enkyete anpil parapo ak konfizisyon ki genyen nan enfomasyon yap resevwa yo.
6.-Plizyè sitwayen ayisyen kap viv repiblik dominikèn denonse zak maltretans yap sibi chak jou bondye mete anba men ajan imigrasyon dominiken . Se fos legal yo menm kap vyole medam yo ,vòlè kòb yo epi maltrete yo ,dapre temwayaj sitwayen sa yo ki kritike silans otorite leta yo nan kad dosye sa .
Sitwayen yo mande premye minis Garry Conille ak Minis Afè etranjè a Dominique Dupuy pou pran responsabilite yo ,yon fason pou anpeche dwa yo konpatriyot nou yo kontinye vyole sou teritwa dominiken an .
Nap gen poun swiv yon repòtaj ak Hadiany Oximble St Fleur
Prezantasyon : Dieuseul GUERRIER & Johnny FERDINAND
Meteyo : Chrisnette SAINT-GEORGES
Tansyon Lari : Mackenson RÉMY 4x4
Spo : Jacques Hans Vilfort (jako)
Pwodiksyon : Jean-Claude DOLCÉ
kowòdinasyon : Peterson LUXAMA
Redaksyon : Dieuseul GUERRIER
Reyalizasyon ak Sou Entènèt : Jimmy Cly Théagène
27 авг 2024
