Property of JP Career Point. Copyright reserved.
Minister Pu Lalruatkima'n Civil Services Combined Exam a hlawhtling thar te lawmpuina hun a hmanpui
2395/2022-2023
Aizawl the 21st October, 2022 : Minister Pu Lalruatkima'n Civil Services Combined Exam a hlawhtling thar te lawmpuina hun a hmanpuiMinister Pu Lalruatkima'n Civil Services Combined Exam a hlawhtling thar te lawmpuina hun a hmanpuiVawiin khan Information Minister Pu Lalruatkima chuan JP Career Point hnuaia coaching kal, Mizoram Civil Services (Combined Competitive Examination) result chhuaka hlawhtling mi 16 te lawmpuina hun, Hotel Regency a buatsaihah khuallian niin a hmanpui.
Pu Lalruatkima chuan Group A officer tura inziak tling thar te chu Mizoram sawrkar inrelbawlna dinhmun pawimawh tak luahin mawhphurhna khirh tak tak an koah a la tla dawn tiin Pathian tih chunga an mawhphurhna hlen chhuak tur leh mahni inrintawkna nen rinawm taka hna thawk turin a fuih. Officer tha ni tur chuan inzir peih, in tuai thar peih, pi leh puten an duh huna hrilh thei tu nih a pawimawh a, chutiangin mi tute pawh milian leh miharsa zawkte thliar loin anmahni mamawhtute tan chhanna nih an tum tur a ni, Minister chuan a ti. Pu Lalruatkima chuan mi tam tak paltlang zawh loh exam harsa tak hmachhawnna hlawhtling tharte chu fuihin “In thiamna leh mi bik in nihna hi kan ramin hmasawnna rahbi a rah theihna atan in hman ngei ka beiseiin hmang tur pawhin ka chah duh che u a ni” a ti a. Sawrkar chak leh chak lo nei turin sawrkar hnathawkte an pawimawh em em a, Legislator ten Policy leh Sawrkar kaldan tur tul ang an duan te tihlawhtling tur chuan sawrkar hnathawkte an pawimawh a ni, tih sawiin, ram leh mipui tana theihtawp chhuah turin khuallian chuan kalkhawmte a chah a ni.
JP Career Point hi kum 2013 khan din niin Mizoram Sawrkar hnuaia hna lak hrang hrangah an zirlaite engemawzatin hlawhtlinna an lo chang tawh a. MCS ah 24, MPS ah 7, MF&AS ah 5 leh MIS ah 3 inziak tling tawhin Group B Gazetted leh Non Gazetted ah an zirlai mi 70 chuang an inziak tling tawh bawk a ni.
Vawiin programme ah hian MPSC Chairman hlui Pu PC Lawmkunga (IAS Rtd.), Pachhunga University (PUC) Associate Professor Pu Lallungmuana leh JP Career Point Senior Faculty Pu Sudhir Kumar ten hlawhtling tharte fuihna thu an sawi a. JP Career Point Director Pu Israel Lalremruata’n an zirna in din tan dan leh than chhoh dan sawina hun a hmang bawk.
4 окт 2024
