Juno呢段片係我眼中係歷來最比心機諗嘅片。好多人都誤解左呢段片講冷暴力唔溝通或者係講董折因為自卑心態痴左線家暴佢家人(雖然今次真係有郁手)，其實唔係，呢段片有頭到尾都係講緊董折係一個由細到大都唔識表達而又控制唔到情緒嘅人，正因為咁佢唔願多說話，但當人地要求對話佢會好樂意配合。然而當佢努力配合完得唔到佢想要嘅結果，佢就不知所措，不論家庭定事業都不能美滿所帶嚟嘅壓力一次過用暴力發泄，而發泄對像唔係別人，而係自己，嬲緊自己點解點做都唔夠好、點解點做都得唔到對方嘅欣賞。係講緊社會現實嘅種種現象同期望壓倒一個又一個小市民嘅縮影。尾嗰段叫警察嚟拉自己唔係因為佢悶，係因為呢位警察見世面多知佢心事，想被拉係因為討厭自己總係改唔到嘅所為，產生出對家人嘅內疚感，想得到被懲罰(佢老婆走左去，係因為理解佢因此無發惡，比時間佢靜，但個老婆放低一句"爭氣"代表嘅無奈同了解，反而唔當面懲罰佢佢仲難受)，個警察非常了解佢，所以話佢其實有得好返嘅佢呢個'病'(呢度講嘅病係話佢嘅發泄表達上嘅問題)。佢話佢細細個就想被拉，証明佢好細個已知自己有呢個問題，而好細個就有呢個問題主要嘅成因好可能係因為董折本身係家暴嘅受害人，小朋友有樣學樣，但同時佢討厭自己咁樣，其實佢無傷害他人嘅意思(警察都好清楚佢呢類人唔係有意傷人嘅人。佢自己無承認佢唔會傷人，因為佢怕自己有一日會咁做)。想被拉只係為左想改正，而"兒時願望"亦有可能代表意思係想警察拉走當年嘅施暴者。警察咁近問佢"今晚無人要受傷好無?",明顯唔係講緊佢會去傷人(屋企都無其他人啦)，因為警察一啲都唔驚佢，好有可能佢係有自殘前科，或警察知佢董折處喺思想亂嘅狀態怕佢諗起自己以前受嘅傷害先咁樣講，佢地可能之前就識就見過面。片中講嘅心痛相信唔止講佢老婆，係講埋佢本身由好耐之前兒時已有嘅壓抑。好多人話爛尾做多左，但其實個尾先係真正交代個故事嘅背後意思。呢段片非常細膩。十萬個抵讚!(究竟邊個諗個故事嫁?) 最後想講…有無留意董折換左幾次唔同色嘅衫，同當佢靜返落嚟嘅時候嘅背景音樂同嗰句英文"you need support that you can count on"?一切都好有意思。影片中間仲插入左快閃嘅字(佢地啲名嚟)，方便快速入腦，mv真係少見用呢啲手法(燈光圖案快閃就多)，曾經有警察用快閃文字呢個技巧成功破案，洗腦界數一數二，勁!多謝Juno令更多人了解mental health well-being嘅重要性
