JW 王灝兒 - 矛盾一生 Official Music Video 

2022終於簽紙了，那是離婚協議，6年感情4年婚姻。有決心成家又如何？如果雙方沒有對家庭承擔、妥協，還是無法維持下去。可能有人聽緊呢首歌時感嘆另一半沒有長相廝守的勇氣，但其實比勉強結婚後，才發現原來對方並不是可以跟自己白頭到老輕鬆多了。記住，愛自己多一點

好耐冇聽過一首咁多feedback咁多noise嘅廣東歌，雖然首歌由女方觀點出發替二十幾歲嘅女仕作出控訴，有趣的是有不少男仕也對號入坐留言平反，估計因為三十歲前，有戀愛過嘅男女都必經嘅階段，一個男女互相矛盾嘅時刻。個mv係講個廢男不長進，不打算結婚。睇左一陣留言見到咁多人對罵，所以特別想分享返果堆有穩定事業嘅，有打算結婚嘅男女，從而拆解返現今港男港女真正嘅矛盾一生，再俾啲正能量大家。 不知從何時開始，香港女性就有一個以三十歲為限期嘅出嫁大project。同時身邊有朋友陸續出嫁，嫁得風光，泊到好碼頭就羡慕不已，更心急想嫁，其實單女活得快樂嘅女性周街都係，有咩咁希罕結婚，結婚意義係咩？同齡嘅男方，未必不想娶，而係對自己冇信心，事業剛起步，亦睇唔到自己有好嘅發展，諗死啦，我咩都俾唔到佢，以為結婚之後成頭家自己攬晒就淆底，實實在在計下條數發現婚禮搞到吖，結婚後同老婆一齊咩起頭家後每個月得返幾千蚊洗覺得太唏噓，而開始懷疑點解人生要咁過，咁拖住先囉，女友迫下迫下唔係辦法，鄭我唔玩啦！！而女嘅，拜金港女係有，但俾人無限放大左，令男士以為每個女性都一樣要洗男人錢仲要貪慕虛榮。冇事業心冇上進心嘅廢男係有，可憐嘅係果一堆做一份安穩，收入不可觀嘅男士又會被女性認為你冇上進心冇為未來努力，男女矛盾無限loop。女士要反省，是否俾足夠時間佢放事業呢？如前景未如理想，不高的收入，結婚後一齊分擔，眼見朋友成日有名牌手袋，去旅行，酒店high tea喺fb呃like果陣，你咩都冇，你肯同佢一齊捱嗎？你會唔會覺得男方對你有所虧欠？男士要反省，如果事業未如理想，可否進修裝備自己，而不只是怨天攸人？香港經濟發展飽和，晉升機會少，人工追不上通脹，土地問題，政府無能已經係不爭的事實。其實女性要的只是一個體貼自己，能作精神上依靠的男人。其實男人要的是一個體諒自己，能安撫你自卑心靈嘅女人。遇到一個soul mate,喜歡的，值得等嘅，始終係你嘅。能遇到一個接受自己不足嘅，還守在身邊鼓勵你嘅人，又點解要考慮太多，還要矛盾一生嗎，有必要因為結不結婚糾結，跟一個人生中重要嘅人說再見？ 要麼，困難一起面對，給自己走下去的勇氣，對對方懷著信心，互相賭一鋪。 要麼，揮手告別不值得回頭，也不是非他不可，矛盾也只是幾年吧。記住：人生苦短，愛情萬歲，活在當下，無悔無憾。 One of the best song of 2015~Keep it up!

幾多男人俾「上進心」呢三個字呃咗 「矛盾只因深愛著 你知嗎　誰期望這刻擁抱完 然後吵架」 由踏入卡拉ＯＫ房間，Angela 就默不作聲地坐在一角，與正在興高采烈地唱歌的姊妹們大相徑庭。直到有人點選了這首《矛盾一生》，她才慢慢站起來，拿起 Mic 唱這首歌。 「回頭看最初多快樂　記得嗎　竟會沒決心成家」 唱到這句時，Angela 一下哽咽，雙眼通紅，唱不下去了。Angela 突然的落淚，姊妹們都紛紛上前看她。 「Angela 做咩喊呀？發生咩事呀？」 「我 …. 同 Kelvin …. 分咗手」 「分手？咁突然既，前排見你地兩個都好恩愛，仲話諗住結婚架」 Angela 與男朋友 Kelvin 分手的消息，一眾姊妹都不明甚解。 「我地原本係諗住結婚，但呢兩年以來佢一直都唔願意儲錢買樓，我叫佢去進修，增值自己，揾份人工高啲既工，佢又唔肯，懶懶閒咁，佢真係好唔上進，完全唔為將來作打算，我呢幾年真係好辛苦呀」 說到底，原來又是「上進心」的問題。 從前女人會希望男人有穩定工作，但不知何時開始，工作上的「穩定」已經不夠，取而代之的是「上進心」。「上進心」三個字聽起來很正面，似是看重努力向上的奮鬥過程。只要付出過，就算失敗了也值得嘉許。 可惜問題是，講出「上進心」的人，看重的其實是結果。如果直接了當說喜歡有錢人，聽起來很 cheap，但如果改說喜歡有上進心的，感覺就高尚得多。正如男人說喜歡靚女，就是膚淺，所以要改說喜歡順眼的。 「點解你咁唔上進，成日都安於現狀，你令我好無安全感呀，你有無為我地既將來打算呀」 上星期的周末，Kelvin 如常準備到色士風班做兼職導師。出門之際，被 Angela 叫住了腳步。 「Angela，買樓既問題我地討論過好多次，依家既樓價我都係負擔唔到架。就算儲到首期，以我既人工，去到銀行都過唔到壓力測試，銀行唔會俾我貸款架」 原來他們又是為了買樓置業的事而吵架。最近雖然樓價跌，但一個小單位由七百萬跌至六百五十萬，這樣的跌幅對於基層出身，父母沒有積蓄可幫忙的 Kelvin 來講，依然是難以負擔的。 「其實兩個人係埋一齊，開心咪得囉，唔一定要買樓架，好似依家咁樣，租樓住都幾好呀」 「我年紀唔細架啦，我想有個屬於自己既家呀，你話想結婚，但又俾唔到一個家俾我，你叫我點嫁俾你呀」 有一個家，女人才可以嫁，這樣的對白，很像電視廣告。 「你成日話人工唔高，我叫你去進修，搏多啲晉升機會，你又話進修無用」 「Angela 呀，我已經日日做到隻狗咁，為公司仆心仆命，上年我經理走咗，諗住今年有機會升我，點知無啦啦空降咗大老闆個仔嚟做經理喎，我都好無奈」 Kelvin 不上進嗎？不，Kelvin 其實很努力，每天都ＯＴ到晚上八點、九點。拼命三郎的工作態度，加上去年經理的離職，個個同事都認為 Kelvin 升職是理所當然，可惜世事往往事與願違。畢竟在香港社會，職場上的晉升從來都是取決於人事關係和際遇。「上進心」與「成果」，並不一定是掛勾的。 「我知呢啲空降二世祖係好乞人憎，成世靠老豆，無出色。我公司都有個二世祖嚟做我個部門既主管 …. 」 說到這裡，Angela 欲言又止。 她口中的二世祖主管，是她公司裡某位股東的兒子，最近正向她展開追求。 「Angela，我明白你好想有個家，所以我星期六日都唔休息，去做 part-time，教 saxophone，就係想賺多啲錢，買到樓之後先向你求婚」 職場上奮鬥多年，但事業仍然停滯不前。Kelvin 只好做兼職，幫補家計，完成 Angela 的上樓夢。 「我啲舊同學個個都嫁得好風光，老公有樓有車，我好羨慕佢地呀」 「你覺得我咁無用既話，咁你不如搵個買到樓既男朋友啦」 可能 Kelvin 已經氣上心，說出這句悔氣說話，而這句話一出口，大家都清楚，已沒有轉彎的餘地。 「咁好呀，我地分手啦」 Angela 拿起 Kelvin 的色士風，發洩的擲到地上，以這方式宣告分手。 「Angela，你分得啱呀，女人無幾多青春架咋，勉強同佢一齊無幸福架」 「男人窮唔緊要，最重要係有上進心，如果連上進心都無，咁就真係無得救」 「及早止蝕咪啱囉，趁仲後生，搵過個真係錫自己既人啦，你值得擁有更好架」 Ｋ房裡，姊妹們七嘴八舌，加鹽加醋。教人分妻，一向都是姊妹團的拿手好戲。 「當你遲遲未改變　就讓我改變吧　這個決定多可怕」 這天，已經分手的 Angela 將 Facebook 上的感情狀況轉為「單身」，並 post 上這句歌詞。第一個按 like 的人，就是 Angela 說的那位靠老豆、無出色的二世祖主管。like 完之後，他駛上名貴跑車去接 Angela，準備與她的第四次約會。前三次的約會，都是在與 Kelvin 分手之前發生的。 一直說自己是父權主義的受害者，卻又用父權的準則去要求男人。「上進心」這三個字，多可怕。

好耐未試過聽歌會喊。我20幾歲。早半年我曾經好愛一個女仔。我同佢一齊同居。可能已經習慣左佢既存在。自以為對方唔會離開我。其實我一直高估左自己。佢臨近同我分手果排。佢鍾意聽呢首歌。我果陣冇聽過。佢起wts狀態打左呢首既歌詞。我冇留意亦冇去理。我一直以為自己好就佢。樣樣順晒對方就可以一世。而自己就晚晚喜愛夜蒲，掉低佢起屋企等我翻黎。每月既糧頭就好似糧尾咁。每個月我都講儲錢。就算未結到婚都有筆錢可以做到啲生意仔。其實我知道只係一直令自己內心舒服啲一直逃避緊自己既藉口黎。我記得我曾經講過娶佢。講過我地生仔既叫咩名。生女既又叫咩名好。講過我會好努力翻工。搵好多錢。講過我會令佢幸福。講過好多好多。但亦都好多好多都從未兌現過。就好似一張空頭支票。一直以為自己付出好多。到而家散左。我終於去聽首歌。我終於我明白佢點解當時會做呢個決定。終於明白點解當日我做啲乜。點求佢都好。都挽留唔到。就算到散果刻我仲以為自己係岩哂。哈。其實最錯既只係自己。見到mv入面個男主角好有一種感同身受既感覺。我知我同佢唔會再起翻埋一齊。但係希望佢有一日聽翻呢首歌。咁岩又睇到呢度啲留言。會睇到我呢段野。睇到我想講既一句：對唔住。其實以前我一直愛既只係自己。起一個連自己都睇唔到"將來"既人口中講"將來"。只係當左係滿足填補呢段空缺感情順口不過既一個詞匯。。

今日喺網上睇到一篇好值得去思考嘅文章 大家可以喺依度留言分享一下 -- JW 《你很想見到你們有將來，但他始終吊兒郎當》李專 他大概沒想過，其實你由粗粗魯魯的女漢子，變回小鳥依人的模樣，真的只在一秒瞬間，但可悲的是，拖拖拉拉過後，他始終吊兒參當，不夠上進，所以還是沒有本事和資格，讓你卸下那堅強的面具。 你真想他看清你的心路GPS，明白女孩一旦過了二字頭，只要確定對方是長久一起的對象，就會將大家的未來看得很遠，希望彼此的將來好似格林童話的最後一句：「兩人快快樂樂生活下去」。 因此，你問得最多，除了「你鍾意我啲咩」，就是他對你們將來的看法。 可是，你往往只聽到「我會努力」或者一啲虛無到連黎明都講唔出嘅答案，令你一再失望。 老實講，你不怕陪他慢慢捱，但你最怕他根本沒有上進心、不肯改善自己的缺點、對未來完全沒有藍圖，讓你見不到任何前景，好似只有你一廂情願。 你願意等他努力發奮，卻無法等他假裝蘊釀上進的決心，其實只是得把口講，下巴輕輕。 很諷刺吧？ 明明兩人一起久了，理應磨合得越來越好，匹配過「黑白配，男仔女仔配」，偏偏大家的人生觀相距越來越遠，一方安於現狀，另一方急於計劃未來。 結果，因此吵架的次數和密度漸漸增多。 每次討論未來的問題，他總覺得你在壓迫他，甚至反過來說你變得太chur、要求太多、脾氣差了，跟之前完全不同。 他可否想過，脾氣好不等於沒底線，只是他的吊兒郎當早已越過你的界線？ 你也不想做女漢子，忘記自己是個女孩，要保護要依賴，但你可以嗎？ 然而，最矛盾的地方，在於明明你可以一走了之；明明你有多次出走的念頭，但到了最後，你依然心軟留下，因為一來你不捨得，二來他不是不愛你，除了不夠上進，其實他在其他方面對你不錯。 若非如此，你不會那麼猶豫，可能早就頭搖又尾擺遠去了。 不過，其實你真的很累很累了，不知自己還能撐多久，只想他在你放棄之前開竅，停止對你這種慢性折磨。 曾聽說，男孩在生命中至少錯失一位好女孩，才能從後悔中學懂珍惜；女孩在生命中至少戀上一個不好的男孩，才能從流盡眼淚中學懂放下。你只求它們不會同時發生在你們身上…… P.S. 如果你看不懂這篇，沒有共鳴，或者是好事。若然身同感受，不妨聽聽JW 王灝兒的《矛盾一生》。救命，陳詠謙 Chan Wing Him的詞太厲害了！ ＿＿＿＿＿＿＿＿ ○ 曾聽說，男孩在生命中至少錯失一位好女孩，才能從後悔中學懂珍惜；女孩在生命中至少戀上一個不好的男孩，才能從流盡眼淚中學懂放下。你只求它們不會同時發生在你們身上…… FB Page：李專 Lee Chuen IG：instagram.com/lee.chuen

我想很多人誤會這首歌的意思，錢雖不是萬能，但也能解決不少生活的煩惱，這mv是說男生比較幼稚，而女生自已一個在解決關於銭的問題，雖然喜歡這男生，但令她實在太累了，才引起矛盾。 男人呀，只要令女人安心和開心，其實女人會跟你捱的。 最後我還是跟"他"分開了，我默默拋下一句"不等了"，不是不愛了，而是等得太累了，自然會讓時間沖淡一切，包括心淡了。

少有的在Facebook分享了這一首廣東歌。 近年來聽廣東歌的機會少了， 因為市場上有水準有質素的廣東歌畢竟不太多。 但今年細心留意下，發現有不少上乘的作品。 偶爾在收看頒獎禮上聽到這首， 便像著了魔的在KKBOX一直單曲重播， 而這還是在還未細看歌詞的時候。 只能說單單聽JW的演繹便已經很有畫面，很感動。 已經很久沒有聽妳的歌，想不到現在的演唱如斯有張力。 這絕對是2015最喜歡的廣東歌頭幾名。 歌詞談到的是這世代很常遇到的議題，相信很多人會有共鳴。 嗯，其實廣東歌還是很有魅力。 這是我在Facebook上的分享， 在這裡再留言是希望妳能看到， 讓妳感受到一份溫暖， 因為那是妳的歌聲送給我的一份禮物。

本身我同男朋友都因為呢d事嘈緊交，又係佢覺得我好chur，我又覺得我湊緊仔咁。但係咁岩嘈緊交個日我地兩個都唔舒服，我地兩個一齊睇醫生，佢病到入左醫院，我就即日出院，令我真係明白到，兩個人相愛的話，最想要既始終係每日見到對方開開心心健健康康。相處既問題就慢慢溝通，傾一個兩個都接受既方法，兩個人開心，先係你地一齊最應該要打好既最基本。大家都要好好珍惜自己深愛既另一半。

有些人適合戀愛 有些人適合婚姻💍

我也碰上未玩夠的女朋友，六年後她還是決定愛自己多於一切，死守兩年多最終也不得不放棄，今夜失眠，謝謝此歌代我哭。

如果把期望放在別人身上，就要預左會失望。如果要付出，就不要計較回報。現實不是童話，沒有哪個男人是必要成全女生做公主的美夢。學會接受現實，隨遇而安吧。

曾經我也像mv女主角一樣對未來徬徨，不管提醒鞭策督促了多少次也只是得到一個不耐煩的答覆。認識了10年，在一起了5年。太多太多的回憶吞噬著。然後如今我們分開了，雖然偶爾想起來心還是會隱隱作痛，但可幸的是我的離開，卻激起了他對未來的奮鬥。我真的為他感到很開心很開心，雖然有時候會覺得惋惜，但我相信有些關係卻比愛情更為長久，堪比親情。

睇到喊聽到喊嘅一首歌...

個句：「你沒想過未來對吧」… 聽到都感受到個種心痛 個種真係唔想放手 但對方吊兒郎當 混身散發住沒打算認真過日子既氣息 而帶唻既不安感…

因為林家謙再番黎聼

Joey Wong, 多謝你這首歌提醒了我當日自己的吊兒郎當, 到今天更要好好珍惜仍然為我留下的太太. 好歌一首, 謝謝你真情的演繹以及填詞的陳詠謙.

2021年仲聽緊揮手區

男人，千萬別給自己那麼多的藉口，為了她努力吧。愛她，請對她負責任。女人，在乎的不是你有沒有錢，而是在你身上有沒有將來和上進心，時間是愛情最好的證明。

我每次睇個MV都會喊咖,好慶幸我等到,我老公真係有努力,雖然冇樓,但租都好呀。而家我地籌備緊今年婚禮。首歌實在太正啦,

這首歌是近期香港樂壇我認為最好的一首。 歌詞都好像刻進心裡一樣。一字一句都刺痛心靈。 難道男生們不知道，女生過了25歲，什麼都走向下坡了麼？ 難道男生們不知道，女生到了這個年齡，只會想要一份安定，一輩子的感情，而不是轟烈有今天不知道有沒有明天的感情嗎？ 然而，從男生角度來說，有個研究顯示男生要在27歲以後才會慢慢學著成熟。 所以究竟有沒有對錯？或許有或許沒有。 然而這種哀痛的哭號是真實的。

聽完首歌好感慨，因為同樣情況發生係我身上。 同佢拍左九個月，女方提出結婚計劃，雖知自己屋企環境唔差，但雙方年紀唔算細，女仔 提出要求亦都無可厚非。我亦都想俾啲時間自己用兩至三年草錢準備唔想單靠屋企，誰不知 佢話我無結婚打算唔著緊佢，最後仲背住我同其他所謂"筍盤"出街食飯，仲提出分手。我用 力挽留都無用。唉~ 呢首歌反映一個女仔遇著一個無心裝載無結婚打算既男仔既悲歌，但現實中好多男仔確實 背負好多壓力包括工作,金錢,兩邊屋企人等等。如果想要段感情開花結果，我認為女仔都真係要 花上合理時間去等待對方成長同努力! *但如果女仔係即食派，仲未Ready既"你"都係要諗清楚。

十多歲，故事發生在男生身上，男生肯等待女生。 二十歲，男孩子看透了，不想再等待，情願當個「自由人」。

唔成熟既男仔聽完會覺得隻歌破壞感情 唔成熟既女仔聽完會想同另一伴分手 成熟既男仔聽完會反思同覺悟要上進 成熟既女仔聽完會更堅定繼續陪另一伴捱落去 一隻鞭策人既歌，同時我覺得要唱隻sweet d既歌中和番

JW原唱,人生如戀愛,將來,身邊人,夢想和現實的選擇。李克勤和JW合作過矛盾一生。李克勤說CHANTEL好impress,JW和CHANTEL亦師亦友的好拍檔,JW教CHANTEL逃生門得到好大進步,戀愛預告仲成為聲夢最快一百萬播放次數,首個聲夢RU-vid200萬播放次數。之前CHANTEL還寫了感謝卡和制作曲奇給JW。JW生日第一個收到的都是CHANTEL愛的祝福！大小JW永遠亦師亦友!!加油!

其實我覺得如果Jw出多啲歌 可以搞場演唱會😍一定大把人去 又靚女又識唱歌我第一個去🙋🏻

本年度至愛 -- 羅生門，無條件，矛盾一生 (不分先後）

愛情的世界裏，男生永遠就像一個長不大的孩子一樣，永遠跟不上女生的步伐。而永遠最使人諷刺的是，當所謂的賤男經驗過痛失了一個對自己很重要的人。才會反省，才會學會長大，才會從女生的各度去思考。 很諷刺，但很真實。當男生學會成熟後，終身伴侶已經不是自己曾經最珍惜的人。

矛盾 只因 已成功突破 22 M 🎉🎉 你知嗎？ 矛 盾 一 生 目前點擊(萬) JW 原 版 2095 萬 大 小 JW 兩 版 142 萬 __________ 矛 盾 一 生 總 點 擊 2237 萬

或者男仔聽呢首歌冇乜共鳴 但二字頭既女仔聽 大部分都會聽到喊 好可悲既係 有d男仔到分手既一刻都唔明 仲會以為你係貪慕虛榮 至會嫌棄佢唔夠上進 其實我地只係攰了 唔想照顧自己之餘仲要湊多個仔

曲：林家謙

做香港男人唔容易，20歲工作，幾年結婚，辛苦儲幾十萬結婚，然後對方要樓先結，用父母老本首期150萬以上，樓價被炒高400至500萬。做一世樓奴，然後供仔女。。

聽完第一段 感覺: "k歌一首, 而且無乜共鳴 (可能係男仔)", 聽到最後, 已知賴野, loop左好多次.... 首歌有毒= =

在短暫一生，能夠遇到自己喜歡的人，已經是幸運。 只要有緣一起，真心相對，莫問得到什麼。 這世間有太多相愛的人，甚至連相聚的機會也沒有。

如今，你得到了你的幸福，我也繼續過著我的生活。但沒想到，你得到幸福的那一天，還會發這首歌的網址給我。現在，我才知道，你是真的愛我的。

貧窮夫妻百事哀, 無錢不要拍拖, 長痛不如短痛...... 不要等到最後那刻才醒覺 : 浪費了時間去拍拖, 而沒用時間來提升自己, 遇到緣份都無能力留住啦......

男人們,記住,如果一個女人會話你冇諗過同佢成家立室,甚至為左呢樣野傷心,代表個女仔係有諗過嫁比你!佢係用想同你結婚既心情去愛你去傷心!! 如果有咁既一個人,記得好好珍惜呢個女仔.....唉

詞好到 曲好靚 = 無得輸！轉左公司果然唔同啲，無左陣罐頭味。 希望你可以跑出，畢竟比黎生唗咗幾年。。加油JW

當你遲遲未改變 就讓我改變吧 這個決定多可怕

唔知點解釋 呢首歌個感覺聽落好特別同平時啲Cantopop好唔同

好好聽，好到肉，講得好中，我跟他拖拖拉拉已經四年了，心知肚明當初既承諾是沒有辦法實現。 當你遲遲未改變，就讓我改變吧⋯⋯

我作為近50歲的男, 呢種故事就是未發生過在自己身上, 人生總會聽過此類故事在身邊. 特此敬告年少的你: 其實結完婚可以照玩甚至滾, 你地睇肢解果條粉腸, 父或子也好, 都係渣男, 都識結婚攬實一件先, 然後結完婚物出去玩出去滾. 有個碼頭是需要的, 真係唔好諗住未玩夠而MISS一個合適你做妻子的角式

當你仍然未開竅 就讓我開竅吧 我替你自私好嗎 覺得好攰但又唔捨得，真係想問天會同情我嗎？ 香港女仔成日都比人鬧港女，可共富貴不可共患難。 其實香港女仔絕大部分都可以同你捱，只係有時捱左好幾年都睇唔到你有試圖改變既時候只有放棄 心攰比身攰更攰 香港既男仔真係要加油，唔好成日hea住話這些機會不是屬於你的。。。 其實好多女仔都等緊你地，唔好到身邊既女仔身心都攰準備離場既時候先開始努力，一切都會太遲

JW 把聲原來可以咁正咁感動人，另個 MV 可以令人睇到咸哂(個人睇左5,6次，依然次次都可以令我睇到咸)，MV拍得好同時，女主角打動人心的演出，功勞好大

這個女孩子其實一早經以知道係個男仔身上看不到將來..但她欺騙自己...而男孩子當初對您個份承諾亦都沒有對現

講出女人心聲，付出一切又如何，依家好多男仔都根本無諗過結婚，無責任心，多愛又如何？！

這首歌給人明白到，感情不是一刻的感動而可一生一世，有很多外來因素，把一切感情破裂。矛盾一生也是可說出感情世界裡的矛盾，可能雙方有為對方努力過，但也可因一句說話，而把一切努力建立的感情破裂。

曲:林家謙

林家謙真係好偉大

第一次聽、聽到中間、眼淚不自覺流下😭

唔好誤會，女仔想要的唔系富貴，而系安全感和希望。

矛盾一生 作詞：陳詠謙 作曲：林家謙 得到一刻開心過後 不開心 怎麼都不開心 誰責任 拖拖拉拉最後還是 不發奮 永遠看不見未來 被愛軟禁 矛盾只因深愛著 你知嗎 誰期望這刻擁抱完 然後吵架 你為我放一場煙花 跌下來瘡疤 痛定思痛 未來 算吧 回頭看最初多快樂 記得嗎 竟會沒決心成家 當你遲遲未改變 就讓我改變吧 這個決定多可怕 偏偏分手這種對白 說出口 永遠有個傷口 移不走 搞不清楚我累還是 你不夠 作個最適當決定 別再佔有 矛盾只因深愛著 你知嗎 誰期望這刻擁抱完 然後吵架 更多更詳盡歌詞 在 ※ Mojim.com　魔鏡歌詞網 你為我放一場煙花 跌下來瘡疤 痛定思痛 未來 算吧 回頭看最初多快樂 記得嗎 竟會沒決心成家 當你遲遲未改變 就讓我改變吧 這個決定多可怕 落魄的淚如雨下 別軟化 天會同情我嗎 只好逼我瀟灑 明白嗎 矛盾只因深愛著 你知嗎 誰尋覓愛的一個人 然後不嫁 仰望過那一襲婚紗 美麗而孤寡 你沒想過 未來 對吧 回頭看最初多快樂 你捨得嗎 竟會沒決心成家 當你仍然未開竅 就讓我開竅吧 我替你自私好嗎

睇到見家長個女碌卡個刻 個心UP一UP 利申:男

歌詞好正！好surprise 係男填詞人⋯點解咁明白女仔心⋯未試過都好似親臨其境⋯有好多男人都吊兒郎當⋯又要面子⋯不如意唔開心唔講，或者表達能力惡劣⋯一段關係最緊要既溝通無左，女既更加唔知你諗咩啦⋯唉⋯依家女仔都好叻，唔中意你咁不如自己單身仲好。好慶幸我有個好老公，唔洗我煩依d野，雖然無樓無錢無車，但係為左我，係我未諗好之前已經諗好晒，老公只大我兩年，計劃係有時間表再加實行，可能反而我本身似個男既咁比較懶，安於現狀，唔想改變，但見佢咁努力改變，所以我都好好珍惜，同佢一齊努力。 不過唔知作詞人會唔會作番首男人回應版呢～或者對唱～

當年不可說的話，謝謝你幫我說了，感覺是終於有人明白，對他一直的期望到最後的失望是有多痛

我都係聽咗JW同Chantel合唱後才留意這首歌，跑來聽原唱，果然Chantel還是太年輕，未經歷過唱不出那種心痛的感覺，現在整天loop著這首歌~~

JW把聲一直都咁好聽，係衰在比黎明整蠱，出埋啲古怪歌，以前都有出過好聽嘅歌但又唔Plug，轉左公司要加油呀!!

期待下星期六

Terence lam brings me here ... he is such a talented guy

JW呢首歌真係堅好聽,堅到肉,堅中晒時下香港年青情侶既困境...

不得了...Hit Rate 已超過一百萬! 2015年我最喜愛的歌曲:JW 王灝兒 - 曲詞編監聲演俱佳! 一人一Hit&Like推JW 上叱吒台! JW 王灝兒 - 香港樂壇久違了的聲音: 低音沉穩 高音圓渾 沙啞而感性 娓娓道出歌詞的哀愁 控訴出新生代勇敢捨棄舊人舊事 痛定思痛勇敢求變的決心! 加油JW - see you in 叱吒!

我29歲了，同男朋友拍左6年。 我自小憧憬結婚，但今日男朋友表示佢哩刻唔想結婚，話我等到就等。 諸多藉口其實只係唔想同我結... 歌詞真係句句唱到想喊😭 將來睇返留言，我身邊的人還是他嗎？

今日突然喺電台，聽到呢首歌，好有共鳴，成個人醒左，D歌詞正正係我做緊嘅野，心情好覆雜， 令我鼓起勇氣同一齊左兩年嘅女朋友面對問題，可惜結局不如人意，分手嘅勇氣比求愛更難，雖然吾捨得，但總好過勉強， 一段好嘅感情係要互相負出， 體諒， 方向一致， 感情事難分對與錯， 希望佢可以搵到一個比我更合適佢嘅人，我愛佢多過自己，可惜越係愛越多磨擦， 矛盾人生！

很想跟多個陪著男朋友奮鬥的女生說聲加油，你們的支持就是他們最大的動力，男生跟女生也有弱的一面，互相尊重堅持，就不會矛盾一生，祝幸福!

JW，我是近這個月才開始聽你這首歌和留意你動向, 完全不明白以往那些日子為何沒有聽過你的歌，但現在已經深深被你那把有無限吸引力的聲音拉住走不了...當然也不排除是被你水汪汪的眼睛吸引... 陳詠謙的歌詞簡單易明又不失雅意，「你為我放一場煙花跌下來瘡疤 痛定思痛未來 算吧...」我是男生也可以感受到那種快樂期望失望最後面對現實的心灰意冷 林家謙的曲，我自己覺得那個BASS的運用很出色，melody很令人深深記住，應該是行minor的曲所以和歌詞中帶失意的感覺非常配合 以上三位所create的不是歌咁簡單，更因為是有靈魂和有共鳴感的時代作品呀，這首是繼「無可避免」第二首長居於KK BOX的好歌 三位要加油!!!!!!!!

曲詞編唱MV俱佳之作

王灝兒:矛盾只因三個字,冇錢呀!

每次聽過呢首歌我就想起佢啦！實在太好了！早啲離開

琴晚聽完Chantel和JW唱呢首歌， 就覺得歌詞寫得好好，好感'動好真實， 講真我以前冇留意呢首！ 所以而家聽返原唱JW的演繹， 真係覺得呢首歌唔錯好聽

雖然我知道好多人會覺得細佬仔大把世界大把時間， 但係我都想講，二十歲既我聽住呢首歌，個心拿住拿住。 出身公屋單身家庭既我係五年前幸運咁遇到鍾意既女仔，由中學到依家出黎做野， 話唔擔心將來既問題就呃你既。無時無刻我都諗緊去搵錢，我會相信自己，認真工作努力去組織一個家。

Chantel and jw 會唱！❤️

其實我覺得女仔上進既意思係男仔肯為一段關係而努力,而唔係上進=錢,如果有錢但唔關心個女仔一樣留唔住,香港人最鐘意一有問題第一件事就推落錢度,好煩,我相信只有經歷過既人先知道呢首歌既問題並唔係錢方面,如果真係因為錢而離開你既話係你既幸運,如果唔係呢個原因係咪要自我檢討下呢?一段關係結束並非一朝一夕,問題係你如何令一個真心想同你有將來既女人選擇離開你,除非佢一開始唔係真心,而一個本身又唔係真心而又貪錢既女仔點解要用付出咁長時間放係你身上??難道等你發逹??

時間，係愛情最重要既POINT。 係岩既時間遇上岩既人，出黎個結果會係幸福同美好。 有時5一定係女方想結婚，想一生一世；就好似我甘，2年前我有個女朋友，本身我已經準備好結婚，負責佢既下半生... 可惜對方覺得自己仲後生，並5希望甘快就一生一世...所以就分開左... 2年後，我有自己既事業...已經無時間再兼顧一個家庭，而對方已經玩夠想結婚... 時間，可以令同一個故事有5同既結果

第一次聽, 已經loop了10次, 唱得好有感情+好好聽

每次聽佢唱到沒決心成{ 成家 }呢兩個字，我的淚水好自然的湧出來。

到了某個年紀，要玩的始終都要完，也要給另一伴一個承諾。畢竟女孩子的青春好快就過，可以話自私，但係始終都要為自己著想，就算幾中意都好，都要清醒。男仔可以選擇自由，但不能夠拖住另一半。人大左，唔能夠所有野都為所欲為。但係最重點既係，當你付出左，結果亦與理想中有落差。

睇一次感動一次, MV拍得很入肉,編導演及唱都超水準,希望香港多d呢些高質產物吧!

我從來唔會喺RU-vid留comment，但係呢首歌真係聽到喊...配合埋MV真係好Match, 男女主角都搵得好好，幾似角色本身，係今年暫時最好嘅歌

好聽 好聽 粵語歌就是好聽

個人認為係近幾年香港樂壇質素最高嘅一首歌

聽完呢首歌之後， 雖然E＋仲未有女朋友； 努力追緊。 不過呢首歌仍係令我發奮既原因之一， 為既就係唔想一世吊兒郎當，希望能夠擁有既時候， 可以給她未來。 多謝，呢首歌既製作人。

原來呢首歌係林家謙作曲

聽左好多次，帶住耳機，體會歌詞，流眼淚。

The actress is now in a hit movie! Knew I recognized her from somewhere

偏偏分手這種對白 說出口 永遠有個傷口 移不走 好中....中晒

舊年係高山低谷，今年就呢隻

愛就一起解決問題吧 別這麼容易就講分手 這只會令大家都難受

先留名，下星期Chantel同JW合唱唔知點，但肯定吸引到一大班人再入來翻聽

JW 不要再等了 嫁給我吧 愛你五萬年 下世再下世再下世在下世在下世只愛你一個 五萬年不變 不需等多少年 立即馬上嫁給我 我有點像孫耀威 合格嗎 可以嗎 愛的故事上集

真心正！叱咤我最喜愛歌曲一定投呢首 希望佢入到五強

毒舌女主 + 林家謙 呢首歌真係勁

听了这首歌，再看了你的文章。花了四年半在一段感情身上，曾经真的很想为了这段恋情苦忍。去年还打算结婚的，这些日子我都还矛盾着，担心着我们的以后。他真的没有看穿我的GPS,我的太努力，他不以为然。我问了我自己，如果再继续下去，结果会是我想要的吗？如果我不离开，真的会矛盾一生。矛盾着不舍得，矛盾着没有未来，矛盾着我注定做大女人。对不起，我改变了。。。

作為女仔 當你深爰你男朋友 你會不介意會為佢做任何野 可能為既就只係想係佢心中留下點點滴滴 希望佢記得.感受到女朋友幫佢做既每一件小事 最終 都係想佢會被打動.從而答應女方會給她一個將來 但漸漸.佢會習以為常 甚至佢會依賴女方.而自己就變得冇上進心 女方開始覺得好攰. 矛盾油然而生 女方其實唔想放棄呢段感情 但社會現實令女方漸漸對呢個男仔心淡 而最重要的是 女方只是默不作聲 承受著 如果說出分手 兩人都會受得好傷

聽時不知曲中意 聽懂已是曲中人 這一刻的心情同歌詞一模一樣

聽完「我也難過的」呢首MV ，再番來聽一次「茅盾一生 」坐緊地鐵🚇心情觸動，唳就在眼角，一程車遊走過去，回想太多

2019年都係深愛著 你姑媽 👵🏻

好好聽既廣東話歌 好耐無咁有水準既歌出現 值得支持 日日入黎聽

This is kind of random - one thing I really appreciate about JW is that despite her background (mixed-race family/switched to an international school/went to college in London), she's actually stated in interviews that she can read and write in Chinese perfectly fine. And there are those who've been in the Hong Kong industry for years and are STILL repeating what they said ten years ago, that they have to write pinyin for their songs because they can't read Chinese characters. 十年啦，十年都學唔到中文？唔肯學唔緊要既，但就唔好開口埋口話自己係鬼妹仔做擋箭牌，你未講到厭，我都聽到厭。支持JW, kudos to her for being real!

日日都要黎聽下先得

依家先知林家謙作曲 真係好好聽

看到一幕深夜飲醉回家，女主角假裝睡覺時候真的很深感受！作為沒女朋友的我！希望多珍惜你們太太同女朋友，這幸福是你擁有已不知道的。