Көкіл күйі
⠀
Қазанғаптың Ақшыбық атты қызы болады. Елді сүзек ауруы жайлағанда ажалдың тырнағынан жас сәби де құтыла алмайды. Сүйкімді кішкентай қызын жерлеп келген Қазанғап іштегі ащы зары мен қайғысын күймен шығарады.
⠀
Домбыра безек қаққанда құдды:
⠀
Ақ шыбықты шырмаған,
Көкіл аудың айласы.
Ақшыбықты шырмаған,
Сұрқия ажал қайдасың?!!
⠀
Аумалы-төкпе өмір-ай!
Арманда кеткен өмір-ай! - деп зарлағандай болады.
⠀
Көкіл - ау тоқылып шығатын арқалықтардың қосылатын жері. Қазанғап “менің Ақшыбығыма да осындай көкіл тап болды-ау” деген екен.
⠀
Күй тарихының екінші нұсқасы былай дейді:
⠀
Қазанғап жасы келіп шаңырақ көтерген екен. Кеш үйленген соң, баланы да кештеу сүйеді. Алғашқы көз қуанышы қыз бала болады. Атын Ақшыбық қояды.
⠀
Қазанғап тұңғышын ерекше жақсы көріп, “кекілім менің”, “көкілім менің” деп еркелетеді екен. Алайда қуанышы ұзаққа бармайды. Ақшыбық бала кезінде аурудан көз жұмады.
Жастай шетінеп кеткен қызын жоқтап Қазанғап “Көкіл” күйін шығарған екен дейді.
⠀
Бұл күй тарихының бұдан басқа да нұсқасы бар. Ол нұсқасын білесіздер ме? Күй тыңдағанда тарихына, аңызына үңілесіздер ме?
12 сен 2024
