Aparıcı Zaur Kamal özü ilə bağlı gözlənilməz etiraf edib.
Axşam.az-ın məlumatına görə, o, gecələr ayılıb qışqırdığını söyləyib:
"Gecələr qışqırıram, bağırıram. 10 dəqiqə davam edir. Sonra camaat gəlir, deyirlər "Nə olub sənə?" Onunla da sakitləşirəm".
Zaurun bu açıqlamasına studiya olan hər kəs təəccübləndirib.
+++
Azərbaycan Dövlət Gənc Tamaşaçılar Teatrının aktrisası, əməkdar artist Kəmalə Müzəffərin ailəsində xoş gün yaşanıb.
BAKU.WS-in məlumatına görə, aktrisanın oğlu Nicat ailə həyatı qurub.
Toy məclisi ötən gün paytaxt restoranlarının birində baş tutub.
Mərasimdə aktrisanın qohumları ilə yanaşı, sənət nümayəndələri də iştirak ediblər.
+++
Xalq artisti Flora Kərimova "Zaurla Günaydın" verilişinə qonaq olub.
Axşam.az-ın məlumatına görə, müğənni köməkçisi Yaqut xanımdan danışıb. O, Yaqutun ona qoyduğu qadağaları açıqlayıb:
"Mənə nə pul, nə də çörək verir. Şəhər, bağ evinin büdcəsini o, idarə edir. Axşam 6-dan sonra deyir çörək yemə".
F.Kərimova daha sonra sosial şəbəkədə paylaşılan və səs-küy yaradan vannadakı fotosundan söz açıb:
"Həqiqətən də süd vannası idi. Haram görsənirdi? Orada paltarda idim. Altdan paltar geyinmişdim".
+++
Müğənni Xatirə İslam ötən gün "Taxta ayı" filminin qala gecəsində görüntülənib.
Milli.Az xəbər verir ki, big.az-a açıqlama verən xanım ifaçı son günlər müzakirə olunan geyimindən danışıb. Xatirə hələ ki hər hansı bir estetik əməliyyat etdirmək fikrinin olmadığını söyləyib:
"Artıq çəkimlə, geyimimlə bağlı çox müzakirələr oldu. Amma oldu, bitdi, danışılıb qurtardı. Heç bir estetik əməliyyat etdirmək fikrim yoxdur. Mədəkiçiltmə əməliyyatı etdirmərəm. Bu hqda düşünmürəm".
+++
Xalq artisti Emin Ağalarovun "Instagram"dakı son paylaşımı izləyicilərini çaş-baş salıb.
BAKU.WS-in məlumatına görə, müğənni saçları tökülmüş vəziyyətdə fotosunu paylaşıb.
E. Ağalarov paylaşımına belə bir şərh yazıb:
"Pariksiz ilk fotom! Mən uzun müddətdir ki, bunu gizlədirdim, amma bu gün etiraf etmək qərarına gəldim".
İfaçının izləyiciləri isə onun həm saçlı, həm də saçsız halda çox yaraşıqlı olduğunu qeyd ediblər.
+++
ARB TV-nin “Boş anlar” verilişinin növbəti qonağı teleaparıcı Afaq Gəncəli olub.
Axşam.az-ın məlumatına görə, maraqlı açıqlamalar ilə diqqət çəkən Afaq vəfat edən övladından söz açıb:
“İstəməzdim tək övlad sahibi olan xanımlar olsun. Ən dəhşətlisi odur ki, “ana” sözünə “ana” deyilən bir qadın sonradan həsrət qalır. Kimsə kənardan onu görməyə bilər, amma o, hər zaman mənimlədir. Bəli, insanlar deyir ki, sən niyə üsyan etmədin. Etdim. Deyim ki, özümü öldürəcəm? Öldürməyəcəm axı. Kimi aldadıram ki? Gedim öldürüm deyim ki, mən də öldüm yoxam? Amma mənim qarşımda anam var. Ondan öncə atam da dünyasını dəyişmişdi. Anam mənə çox bağlıdır. Ona görə mən onu yaşatmalıyam”.
+++
Müğənni Rəqsanə İsmayılova xəstəxanaya yerləşdirdiyi qızının səhhətinin yaxşı olduğunu deyib.
Axşam.az-ın məlumatına görə, ifaçı bildirib ki, artıq əkizlərinin vəziyyəti düzəlir:
"Şükür artıq hər şey yaxşıdır. Cücələrimiz özlərinə gəlirlər. İnşallah, daha da yaxşı olacaqlar. Allah xəstə olan körpə balalarımıza şəfa versin, onlara heç nə olmasın. Onların xəstə olduğunu görmək çox çətindir".
Qeyd edək ki, əkiz uşaqlara hamilə olan Rəqsanə övladlarını 7 ayı tamam olmamış dünyaya gətirib. Onun övladları şüşə altında saxlanılırdı. İfaçı oğluna Muhammed, qızına Mehrimah adını qoyub. Bir neçə gün əvvəl o, evə apardığı qızının gecə saat 3-də halı pisləşdiyini və yenidən xəstəxanaya yerləşdirildiyini bildirmişdi. Oğlu isə hələ də xəstəxanada saxlanılır.
Rəqsanənin əkizləri ikinci nikahından doğulub. İfaçı əri Fazil bəylə birlikdə Rusiyada yaşayır. Sənətçinin Aysu və Yağmur adlı iki övladı da var.
+++
Əməkdar artist Nahidə Orucovanın son vaxtlar xeyli arıqlaması onun xəstə olması haqda xəbərlər yayıb.
Axşam.az-ın məlumatına görə, aktrisa "ATV maqazin onlarla" verilişinə açıqlamasında bildirib ki, səhhətində heç bir problem yoxdur:
"Elə bilirlər xəstəyəm. Arıqlığımla əlaqədar belə düşünürlər. Çox yaxşıyam, özümü əla hiss edirəm. Sanki ikinci baharım gəlib. Cavanlıq dövrümdən indiki həyatıma keçid edirəm".
Qeyd edək ki, aktrisa mədəkiçiltmə əməliyyatı etdirib və 60 kiloqram çəki atıb.
30 сен 2024
