Ka Jingduwai Mynstep || Khasi Bible Channel 

Balei ngi duwai ha ka por mynstep?
Baroh ngi tip ba ka jingduwai ka long ka ka ba kongsan ha ka jingim u khristan. Ka dei ka por ba ngi pynlut ha ka jingdonryngkat ka jong U Blei, ban iakren bad ban iohsngew na U. Wat la ngi tip ia ka jingdonkam jong ka jingduwai, bun na ngi ki ai por tang kumba 30 second ne ngi buh teng noh ban duwai. Hynrei ha ba phi pynlut por bad U Blei, ka sngi ka jong phi kan long ka ba kham seisoh.
Kine ki long ki lai tylli ki daw kiba phi dei ban sdang ia ka sngi jong phi da ka jingduwai.
1. U Jisu U ju leh kumta
Ha kaba lashai mynstep, dang slem eh ban mih ka sngi, haba u la khie u la mih noh, bad u la leit noh sha ka jaka kynjah, bad hangta u la duwai.
(MARKOS 1:35)
U Jisu U don ka jingshakri ka ba man la ka sngi. U hap ban kren ha ki jaka paidbah, U ai jingpynkhiah bad jinghikai. Kawei ka ba ngi iohi ka long ba U sdang ia ka sngi jong U da ka jingduwai marwei bad U Blei U Kpa. Kam long ka ba lyngngoh ba ka jingshakri ka jong U ka long ka ba jop. Lada phi kwah ba ka sngi ka jong phi kan long ka ba seisoh, sdang da ka jingduwai.
2. Ka jingiasyllok ka ba man la ka sngi bad U Blei.
Hato phi la ju pyrkhat ba U Blei U lah ban long U lok U ba lah ban iatrei lang bad phi? Lada phim pat pyrkhat kumta, la dei ka por ba phin pynlong ia U, U lok ba hajan tam ha ki kam ki jam bad jingtrei jong phi.
Lada U Trai um tei ïa ka ïing, ki minot lehnohei kiba tei ïa ka: lada U Trai um sumar ïa ka nongbah, u nongap u peit lehnohei.
(SALM 127:1)
Lada phim ai pura sha U Trai ia ki kam jong phi ha la ka sngi, phi minot lehnohei. U Blei U long la kloi ban iarap ia phi. U kwah ka ba bha tam na ka bynta jong phi. Bad lada phi donkam jingstad bad jingshemphang na ka bynta ka sngi ka jong phi, phi donkam tang ban shu pan bad Un ha phi.
Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.
(JAKOB 1:5)
Ia kynduh bad U heh nongiatrei lem bad phi man la ka sngi, pyntip ia ki jingthmu ki jong sha U bad Un pynjanai ia ki.
3. Ka jingpynlut por ka jong phi kan long ka ba seisoh.
Ka por ka ba phi pynlut bad U Blei kan ym lehnohei. Ha ba phi ai sha U Blei ia ka por kaba mynstep, Un don ryngkat bad phi baroh shi sngi.
Haba phi ia snoh ha U, Un ai ka jingaiei bad ka bor ha ngi ba ngin lah ban nang pyniaid ia ki kam ki jong ngi shakhmat bad ba ngin lah ban kot sha ki thong ki ba ngi thmu.
Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.
(MATHAÏOS 6:33)
Jied ban ai sha U Blei ia ka por ba kynsai tam jong phi ym ia ka ba tam. Un pynbha pat ia kiei kiei ha ka jingim ka jong phi.
#jingduwaistep #jingduwaimynstep #jingduwai #Jisu #UBlei #mynstep #khasi #khasiBible #bible
music: CALM - DEEP INSTRUMENTAL WORSHIP - (NO COPYRIGHT MUSIC)
• CALM - DEEP INSTRUMENT...