Sngewbha da pule ia ka CONTEXT ruh ym tang shi dkhot lane ar dkhot. Jakob 2:14-26. Ka context hangne ka long shaphang ka jingngeit kaba iap bad ka jingngeit kaba im. Ka jingkylli ka long, kaei ka jingiapher hapdeng ka jingngeit kaba iap bad ka jingngeit kaba im? 1. Ka jingngeit kaba iap ka long ka jingngeit ka bym don ki kam babha ba synran ia ka. Kam ialam sha ka jingpynim. Don bun kiba don kum kane ka jingngeit. Ki kam ialade kiba ngeit hynrei ka rukom im jong ki pat kam iadei dur satia bad ka jingngeit Khristan. Ki im muja ha ka pop, kim im kum kiba ngeit. Ia ki ym shym pat la pynthymmai. Ym pat kha arsien. Ym pat pynim. Kumta kim don ki soh u Mynsiem ha ka jingim jong ki. Haoid, ki ngiet hynrei ka jingngeit kaba iap, ka bym don ki jingleh babha ba synran ia ka jingngeit jong ki. 2. Ka jingngeit kaba im pat ka long ka jingngeit kaba pynmih ki soh jong u Mynsiem ha ka jingim. Ka pynmih ki kam babha na uba ngeit. U long u riewngeit uba la pynim, ba la pynthymmai bad uba la kha arsien da u Mynsiem. U Riewngeit Khristan uba shisha. U leh ki kam babha ym ban ioh ia ka Bneng hynrei daka dohnud kaba sngewnguh ia U Blei uba la pynim ia u lyngba ka jingngeit jong u ha U Jisu Khrist. (EPHESOS 2:8-10 Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata. 10U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.) KI KHRISTAN KI LEH KI KAM BABHA YM BAN KAMAI IA KA JAKA HA BNENG HYNREI NAMAR BA KI SNGEWNGUH IA KA JINGPYNIM EI BA LA AI HA KI DA U BLEI LYNGBA KA JINGNGEIT JONG KI HA U KHUN JONG U U JISU KHRIST.
@@mluhbadjingshai2896 Bah2 haka jingsngewthuh jongnga ka jingngeit,ka jingkohnguh bad ka jingleh ka iaid ryngkat2 dei namrkata haba ngi pule Bible ngi Shem Ephesos 2:8,9 daka jingaiei la pynim iangi daka jingngeit keiñ,om daka jingleh ba uno2 ruh un ym ioh ban sngewsarong, Rom 4:1,2,3 Aiu te ngin ia ong ba U Abraham uba ukpa jongngi katba kum ka doh Ula shem?namr lada la pynksan ia U Abraham naki jingleh u don daw ban sngewsarong, hynrei om hakhmat U Blei,namr kumno ka jingthoh ka ong?U Abraham te Ula ngeit ha U Blei bad la ñiew kahok ha U. Jakob 1:26 kumba kamet khlem ka mynsiem kalong kaba iap,kumjuh kata ka jingngeit khlem ka jingleh kalong kaba iap keiñ"dei namrkata haba nga puson bha ia ka ktien jong U Blei nga sngewthuh baka jingngeit,ka jingkohnguh bad ka jingleh kaiaid ryngkat2 🙏Namr ngi dei ban sngewthuh,ba lada ngi ong ialade kiba ngeit,hynrei ngim kohnguh pat ia kaei baka ktien jong U Blei ka ong,bad ngimleh ruh,dei namrkata kata ka jingngeit jongngi kalong thala namar kumba ka Gospel Mathaios 7:24,25,26 ka kren ba lada mano2 ba iohsngew ia ki ktien jongnga bad ba leh iaki yn tharai u briew bastad batei iaka iing halor mawsiang, hynrei lada mano2 pat ba iohsngew ia kane ka ktien jongnga bad bymleh iaki yn tharai u briew ba bieij batei iala kaiing halor U shyiap.🙌🙏 U Blei un kyrkhu ia kine ki jingiasyllok lem naka ktien jong U Blei 🙌🙏
Haoid, ka jingngeit kaba shisha bad kaba im ha u Jisu ka la biang ban ioh ia ka jingpynim (GALATIA 2:16 Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa). Kata ka long lada ngi iakren shaphang ka jingpynim. Hynrei lada ngi iakren shaphang ka jingpynjanai bad ka jingheh jingsan ha ka jingngeit Khristan pat, haoid ngi donkam ban iaseng lang bad kiwei de ki para bangeit. HEBRU 10:24-25 To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha. 25Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan. Ka long kaba donkam ban ia seng lang. Ym don u Khristan uba lah ban heh ban san ha la marwei ha ka jingngeit khlem ka jingiarap bad jingiasyllok lem ki Nonghikai, Nongsharai bad kiwei de ki para bangeit. Ka Balang kam lah ban pynim ia phi, hynrei tang ka jingngeit jong phi U Jisu Khrist ba lah. Ka Balang ka lah ban iarap ia phi ban heh ban san ha ka jingngeit, jingshakri bad jingim kum u Khristan. Kumta ka long kaba donkam ia u Khristan ban don ha ka Balang ban iaseng lang ban ia mane bad ia shakri lang na kabynta ban pyndon burom ia u Blei.
@@mluhbadjingshai2896 Te kumno pat shaphang ka Balang ba Seng U Jisu halor u Mawsiang donkam ne em ban ngeit ha kata ka balang, haba lah ngeit ha Jisu.
@@gugujanz2902 Nyngkong eh, kaei ka Balang/Church? Kam dei ka building/ingmane hynrei kadei ka jingiaseng lang kiba ngeit bad kiba la pdiang ia ka Gospel u Jisu Khrist ne kiba la khot na kane ka pyrthei ban bud ia u Nongpynim, u Jisu Khrist (2 Thessalonians 2:14, John 15:19.) Ngeit ha ka Balang? Lada phi mut ngi hap ban don ha ka Balang ban ioh jingim, kata kam dei. Ka Balang kam lah ban ai jingim iano iano, kita kiba ngeit kiba wan ban iaseng lang kim lah, hynrei tang U Jisu Khrist ba lah. Ka Balang ba la seng da U Mawsiang, Jisu, ka long kaba hikai: 1. ka Gospel kaba shisha kaba ong da ka jingngeit marwei ha u Jisu marwei ban ioh jingpynim (Ioannis 3:16, Ephesos 2:8-9, Galatia 2:16) 2. U Jisu u long U Blei. 3. Lai ha Uwei. 4. Ka Baibl kadei ka final authority ym uno uno u briew ne ki briew. 5. Bneng bad Dujok. 6. Bad Ka Balang ba leh bad hikai ia ki sacraments (baptism & jngkhawai U Trai).
Ki Jews kiba ngeit shisha ha u YHWH, U BLei jong u Abraham, Isacc, Jakob, kin ngeit ruh ha u Khun jong U, U Jisu Krist. Lada ki kyntait ia u Khun, ki kyntait ruh ia u Kpa, kata kamut kim dei kiba mane shisha ia u YHWH uba shisha hynrei ia uwei pat. (Nuksa: ki Pharisi ki long ki riewngeit Jew ki bym shisha. Ioannis 8:42 U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ioannis 5:23 Uno uno u bym burom ïa U Khun um burom ïa U Kpa uba la phah ïa u.)
@@mluhbadjingshai2896 ha israel mynta don tang 2% ki kristan, katba ki jew ba mane ia u yahweh pat kidon 70% tam artad kim ngeit ba u jisu udei u khun jong u yahweh.
