KA JINGSNGEWBHA
Ka jingsngewbha ka jingsngewthiang
Ban don bad Me ko Trai ko Ksiang
Nga im ha Me, Me im ha nga
Me sah bad nga ko Trai babha.
Ĩa la ka Met Me ai ban bam
Me ai ban dih ruh la ka Snam
Da-ei ko Trai ngan siewkylliang?
Nga dap na Me ka jingsngewthiang.
Ko Trai Jisu katba nga don
Ngan ai ha Me bad la ka mon
To shim ĩa nga synshar ĩa nga
Ngan im ha Me Men im ha nga.
Ka spah jong nga ka bor jong nga
Me dei ma Me, ko Trai babha
Ĩaroh kumta junom junom
Ka Sakramen badonburom.
Sa tang kawei ka jingkyrpad
Haban sa leit ko Trai Kynrad
Ba ngan dang ĩoh ka Sakramen
Lada pisa ruh ngan sa tngen.
11 сен 2024
