Please, Subscribe and Like - My RU-vid channel for more Videos Video: Cinbawi ( Australia ) + + + follow me. / ruthhuaino7 / @phillipruthshow / ruth_huaino #Ruthhuaino
Amen!! Thupi lua uh ei…Topa in tuzawh sawt lo in na lunggulh na uh hong pia kik giat ta hen…@Mawibiak te inn kuan… Kei zong hih ka naupaai lai hih la tawh tha ka lak mahmah na la khat hi mawk mah ei…❤❤Topa’n Siapa Phillip te innkuan thupha hong pia semsem ta hen…🙏🏻
Thupi lua Lal leh Lian Topan a thupha tawh na lungdamna uh hong kicingsak semsem hen aw. 'Ka lungdam' la in mi khempeuh lungsim hong khoihin lungdam nang hong theisak hen aw. Hihla ken zong hoihsa lua ing.
Thupi lua Nu Mawi leh Pa Lal te tuah khat thu ah, Topan kingaisia den hilo in, amah tungah lungdam thu genthei na hih man un, Ka timeline FB ah ong dawk mawk hiveh aw, bang hang aitam maw. Pasian in deihna khat nei hi ding hi, kei mimal mah2 a dingin, Kou zong kum 4 zoh cianga naunei hi ung ei, Pasian hang bek mah cih ki thei ciang tek2 hi.
Kei zong tuni zingsang ka khan lawh lian leh hih na la uh (ka lungdam )cih tawh Topa hong ompih na, na ngah ingh ka lungdam lua Topa hoih hi (18.7.24) (5:30 am ) Na vek un Topa'n hong zang sem² hen ou!
Thupi mahmah e, hih bang teci pannate i muh, i zak ciang thu um nungzuite nuntakzia ding ong musak a, tha hong ngahsak mahmah hi. Liani leh Lalte nupa in Topa' geelnate a santheihna uh, Topa' tungah a ki-ap zawhna uh thupi sa ing. Topa'n la hoihsem Sia Philip lungsim ah hong pia lai henla, Lianite nupa banga mangbang leh dah a omte tungah lametna thak, lungdamna thak hong pia hen! Philip laphuah leh sakte tuni ka zak patna hi a, hih la (Ka lungdam) leh "Na Lungtang" cihte ka ngai pah a, Ruth zong la siam mahmah na himawk hi. Ka lungsim hong sukha in tha na ngah mahmah ing. Topa'n a hiamzaw semin hong zang to lai ta hen!
Leitungah sum tawh lei theih ahi lo, zon hat thu tawh zon zawh ahi lo, puan bang laih ziauziau theih ahi lo i nu leh i pate, nu leh pate adingin hamsapipi mahin a neih uh a tate un hong sihsan ciangin i dip hawm kisa tekin, i nakngek na mahmah a, lametna khempeuh a bei bang liang mah bangin i pang pa kisa mahmah tek hi. A diakin innkuan kim in Christmas i zat theih nawh loh banah Kum Thak muak khawn thei lo, nopna dahna i tuah hun ciangin hong nusiatsante kiphawk ngaungau ahih manin kithawmhau pha diak se hi. 1989 in ka pa in hong sihsan khit July 18, 2022 in ka nu'n hong nusiatsan leuleu hi. Tua kikal 1991 leh 2001 kumte in ka nuai-a pasal nih in hong sihsan leuleu uh ahih manun pianken ahi lopi nautum ka suaktawm hi. Ka nu' hong nusiatsan zawh a kum 2a cin'na in ka nasep kuanna ah nasep ding bei pah ahih manin innkuanpih u leh nau kuamah tawh om khawm kha thei loin kei bekin thawmkhawm, thanem leh hawm ka kisak mahmah banah pangpa kisa-in lungleng ngaungau hi. Hih bang hunin Phillip Ruth Show ah Lal leh Lianite nupa' teci pan'na leh a lasak un tha hong guanin tha hong dim a, ettehhuai thupi kong sa hi. Na vekpi uh tungah lungdam ing. Hong piaksate Ama' aa ahih manin hun leh pha a sak ciangin hong lakkiksak thei Pasian, hong piak nai loh i lamet zawh loh dong thupha a hong pia thei Pasian in thupha hong pia hen la, na kisap leh kilametna uh sangin a thupi leh hoihzaw a thupha a henhen a tahtahin hong pia ta hen. "Topa sungah lungdam tawntung un, ka hong cih sa bangin tu-in zong lungdam un, ka hong cikik hi. Thu khatpeuh peuhah lunghimawh lua kei un la, na kisap bangbang uh, lungdamna tawh Pasian kiangah na ngen un." (Filippi 4:4, 6) 1 Thesalonika 4:13na ah Sawltak Paul in "Sanggamte aw, lametna a nei lo mite bangin na dah luat lohna dingun..." ci-in a vaikhak bangin Tapidaw thu um a kicite pen a dah lua den dingte hilo hi hang. #Ka_Lungdam 👏😭🙏💪