copyright @ E. W. Kharsahnoh @ FKJGP
Unauthorised Re-uploading of this song or video in any platform is strictly prohibited.
La mana ban upload ne thep biang ïa kane ka jingrwai ne ka video ha RU-vid ne hangno hangno khlem ka jingbit na kiba bat ïa ka hok longtrai @ E. W. Kharsahnoh @ FKJGP
Composed by Tbn. E. W. Kharsahnoh
Vocals: Baladonbok Kharkamni, Khambok Ryntathiang, Andrewnicus Khongthaw, Baïaineh Kharumlong, Emil Paul Wankhar
Ksing bad Nakra: Baladonbok Kharkamni
Ka sneng ka kraw dei por
1. Maphi ko ‘nah ko lung ban dangkhie dangsan lashai
U khnam ha ka sohpdung ba un dei da khan janai
Ha ka pule puthi da duriap da minot khop
Ban bit lashai shisngi ba phin poi sha ka jingjop
(HO) dei tang kiba minot kin ïoh kheit u soh bathiang
Ha la ki jong ki kot am dukhi da minot triang
Shaphrang ba phin nangkiew ïa ka por wat pynsep ei
Ba phin longbriew katba dangim ha pyrthei
2. Ko lok samla samhoi naduh sor haduh kyndong
Ka por kane lapoi ban sdang noh l’i kam lajong
Ban shu ïakhmih lynti tang ban ïoh ki kam sorkar
Ha kum kine ki sngi te ka long kaba jynjar
(HO)Ban shu ïashang makia ha ki lad ki surok shnong
Katno ka ikynsha ban shu beh ka mangkarong
Pyrthei ba shiphang sngi ka jingim kaba lyngkot
La kam laduk im sngi ba ngin lait na ka jingjot
3. Maphi ko mei ko pa da husiar la khun la kti
Wat ong jia katba jia ieh ka mat sa ïatip hi
Wei shisien ba lakha dei ban kit ha ban da biang
Watla ka sngew saja phin ym duh ka nongkylliang
(HO) Pyrthei ka juk mynta ban kheiñ sting te ka ba ma
Shisien ba la bakla ban pynbeit ka ba saja
Husiar naduh basdang ba kin im tipbriew tipblei
Shijam pa ka shijam ba kin lait ka hap jyndei
4. Para khasi khara kane ka pateng mynta
Da peit da pyrkhat bha ym dei ban shu leh ruma
Ha man la ka sien jam to da khmih dathew lypa
Shano ba kan ïalam da bishar da pynshongnia
(HO) wat ong long katba long leh kumno haba lathaw
Ki dei jingleh lajong kiba lam shaba mynsaw
Ba ïoh shu babe ei lashai ynda dier ka por
Kyndei ho ka ladei ka mynta kaba kordor.
#KaSnengKaKrawDeiPor #EWKharsahnoh #KhasiFolkSong
26 дек 2019