The Kalam "Hussain Lagyo" (Kashmiri Sufi song) has been taken from the book Gulistan-e-Mourifat (page no. 880) written by a renowned sufi poet
Sufi Mohammad Abdul Gaffar Baghwan.
Gulistan-e-Mourifat is the collection of Kashmiri poems. It was released at Tagore Hall Srinagar Kashmir along with 'Gulistan-i-Aqeedat Mehfil-e-Noor' and 'Sailaab Nama' in the year 2015.
This video is only meant to disseminate the information regarding sufism, not to provoke any type of conflict.
Poet: Sufi Mohammad Abdul Gaffar Baghwan
Singer: Farooq Ahmad Lone
Lyrics:
چُھم دود انٛدر میٚ بدنس ژھؠن کینٛہہ چُھمنو وَدٕنَس
دِل چُھم دزانیِ وَنہٕ کَس حُسینہٕؑ لگیو پاری
مُومنِو اَز وَدُن پَزے وَدِہ سُے یَس دود سَزے
کُس آسہِ چانے رَزے حُسینہٕؑ لگیو پاری
اَے شاہ حُسینوؑ لگیو ہا مار منٛدے مدٕنو
زَدہٕ گٟم سیٖنس تہٕ وَدٕہ نو حُسینہٕؑ لگیو پاری
حضرتِ سکینہؑ چھیٚ وَدان زینبؑ چھیٚ ماتم کران
ؤد ؤد سۄ اَز چھیَ وَنوان حُسینہٕؑ لگیو پاری
غمخوارہٕ ژہٕ کوٚت گوہم جِگرس میٚ شَر ہو کوٚرتھم
ژھانڈان روزَتھ بہ پیہم حُسینہٕؑ لگیو پاری
اَماّر چُھم یؠتھ سیٖنس غم چُھم دِلِ ائیٖنسَ
سَر ونٛدہٕ بہٕ چانِس دیٖنس حُسینہٕؑ لگیو پاری
مدّیٖن کِتھٕ پاٹھ گژَھو تتہِ کیا جواب دِمَو
ژیٚ روٚس أس کوٕہ زرَو حُسینہٕؑ لگیو پاری
صغریٰ چھیَ گھرِہ پراران أچھو خوٗن چھیَ ہاران
بڈہِ بڈہِ وَدان تہٕ وَنان حُسینہٕؑ لگیو پاری
زینُ العَابدّینؑ چُھ بیمار تَس چھی روومُت قرار
فانی چُھ اخٕر یہٕ سَمسار حُسینہٕؑ لگیو پاری
اِماّم سان کوٚت گٔیے دگ سۄے میٚ للہٕ ؤن چھَیے
ژھانٛڈوکھ أس کمہِ پَیے حُسینہٕؑ لگیو پاری
عباسؑ علمبردار کوٚت گوَ سُو سونیُ سردار
نبیؐ سنٛدُے غمخوار حُسینہٕؑ لگیو پاری
کوٚت گَو یہٕ علّی اکبرؑ بییٚہٕ سون علّی اصغرؑ
ژالو کوتاہ أس شر حُسینہٕؑ لگیو پاری
قاسِمؑ سُہ سونُے رہبر ژھانڈون کتہِ سُے دلبر
شہید گو سون اختر حُسینہٕؑ لگیو پاری
کوٚر آب بنٛد عُمرِہ سعدن ووٚن نَس اِبنِ زیادَن
کوٚرنیَ حُکم تس یذیٖدن حُسینہٕؑ لگیو پاری
ترٛیشہٕ روٚس اِماّم دٛرایے بے عار ہَتو خدایے
کوٚرُتھنہٕ تہنٛدُے ژیٚ پایے حُسینہٕؑ لگیو پاری
یذیٖدہٕ نا ہِنجارو قاتِل سزاوارو
للہٕ وُن تھووُتھ ژیٚ نارو حُسینہٕؑ لگیو پاری
حُسینہؑ ہا نامدارو دینکہ ہا غمخوارو
تھووُتھ ژیٚ یاد آورارو حُسینہٕؑ لگیو پاری
غفار باغوانؔ رِوان نوحہ خوانی کران
آلو ژیٚ کُن دِوان حُسینہٕؑ لگیو پاری
19 мар 2019
