Ağabalayev Kamran Məmmədkazım oğlu - Azərbaycan kinoaktyoru və dramaturqdur.
Kamran Ağabalayev 3 mart 1980-ci ildə Bakıda anadan olub. 190 nömrəli orta məktəbi, daha sonra isə Bakı Dövlət Universitetinin Hüquq fakültəsini bitirib. Bir müddət ixtisası üzrə təyinatla göndərildiyi Nizami Rayon Məhkəməsində çalışıb. Bir çox aktyor master-klasslarında iştirak edib, kinoda ilk rolu olan mayor Savelyev obrazını rejissor Samir Kərimoğlunun "Mən evə qayıdıram" filmində canlandırıb. Çəkildiyi filmlərin əksəriyyətində ikinci rejissor kimi fəaliyyət göstərib.[3]
Kamran Ağabalayev eləcə də bir neçə teatr tamaşasının müəllifidir. Onun müəllifi olduğu "Şahzadə Xəzərin nağılı", "Heyvanlar-İstintaq davam edir", "Kod adı: Keçəl, Kosa, Bahar qızı" tamaşaları Azərbaycan Dövlət Gənc Tamaşaçılar Teatrında səhnəyə qoyulub.
"Tərkedilmiş" filmindəki Çirkin obrazına görə Türkiyədə Əskişəhər Beynəlxalq Film Festivalında "Ən yaxşı aktyor" nominasiyasında mükafata layiq görülüb.
Evlidir, 2 oğlu var.
Filmoqrafiya:
Döngələr (teleserial, 2012) - Kolyan, Kolya
Bakı, mən səni sevirəm (film, 2012) - Sifarişçi
Mirzə Ələkbər Sabir (film, 2012) - Pinəçi
Alla Prima (film, 2012) - Sifarişçi
Sonuncu (film, 2013) - Filmin ikinci rejissoru
Babu (film, 2013) (Belarus) - Oliqarx Kamil Aliyev[5]
Qarabağnamə - Lisaneviç
Qanun naminə (teleserial, 2013) - Abutalıb
Mən evə qayıdıram (film, 2014) - Savelyev
Soyuq torpaq (film, 2014) (Rusiya)
Tərkedilmiş (film, 2014) (Türkiyə) - Çirkin
Rəssam (film, 2015) (qısametrajlı bədii film)
Yarımdünya (film, 2015) - Fəxri
Əli və Nino (film, 2015) - Rus kapitanı
Qız qaçıran (film, 2016) - Kamuran[6] (Türkiyə)
Həddən artıq uyğunluq (film, 2016) - Əjdər
Üçüncü günün adamı (film, 2017) - Kapitan
Ayla (Türkiyə-Cənubi Koreya)
İstanbul küçələri (teleserial, 2016) (Türkiyə) - Kazım
Qardaşım mənim 2 (Türkiyə) - Bico
Kəklikotu (film, 2017) - Məşədi
7 сен 2024