आदिवासी निसर्गपूजक आहेत. त्यांची अशी श्रद्धा आहे की सर्व चराचर सृष्टीत जीवात्मा असतो, त्यामुळे त्यांच्या अनेक देवांना आकार नाही. निसर्गातील अनेक अद्भुत चमत्कारांना देवतारूपे मानून वृक्ष, पशू-पक्षी, नदी-नाले, सूर्य, चंद्र इत्यादी रूपात निर्गुण निराकार ईश्वराची तो पूजा करतो. ठाणे जिल्ह्यातील भिल्लांचा 'इंदलदेव', वारल्यांचा 'नारनदेव', कोकणांचा 'शिवाऱ्या', ठाकरांचा 'चव्हाटा' इत्यादी देवांना आकारच नाहीत. बेडौल नैसर्गिकरीत्या विशिष्ट आकार प्राप्त झालेला दगडसुद्धा या देवांचे स्थान वा प्रतीक बनते. आदिवासी संस्कृतीत माता किंवा शक्तीची पूजा अतिशय महत्त्वाची मानली जाते. वणीची 'सप्तश्रृंगी', डहाणूची 'महालक्ष्मी', माहूरची 'रेणुका', यवतमाळची 'अंबा', चंद्रपूरची 'भवानी', भिल्लांची 'महाभोगी' किंवा 'मोगरादेवी', महादेव कोळ्यांची 'वरसूबाई' इत्यादी आदिमायेची स्थाने आदिवासी भागातच असून आदिवासी जमातीची ती आराध्यदैवते आहेत.
maharashtratim...
#adiwasi #adivasiculture #pandit_bagul #adimkala #pravinchaure #bhutdev #kansara#yahamogimata
8 окт 2024
