t.me/Angla2022kurs
Tinglang. Yoqqan bo'lsa duo qilib qo'ying. Boshqalarga ham tavsiya qiling.
Kechirish, bu siz malham topadigan va osoyishtalik hukm suradigan makonga yetaklovchi muhim harakatdir. Kechirish, g’azab va xafagarchilikni unutish hatto jismoniy sog’liq uchun ham foydali ekanligi aniqlangan. Izlanishlar shuni ko’rsatmoqdaki, kechirish stress garmonlarini kamaytiradi, immun tizimini mustahkamlaydi, qon bosimi darajasini pasaytiradi va gastrointestinal va boshqa tana og’riqlarini susaytiradi. Biroq kechirimli bo’lish oson ish emasligi hammamizga kundek ravshan. Stenford universitetining Kechirish loyihasi rahbari, fan doktori Frederik Laskin kechirish tanlovini qabul qilish yo’lida qo’yiladigan qadamlarni to’qqizga ajratdi. Qanchalik mushkul bo’lmasin, ushbu qadamlarni bosib o’tish yaxshiroq anglash, tushunishga imkon beradi va kechirish, kishini o’z yo’lida bardavom bo’lishga ko’maklashuvchi zarur vositalar bilan ta’minlashni va’da qiladi.
Nimaiki sodir bo’lgan bo’lsa, u to’g’risida nimalarni his qilishingizni aniq biling va bu vaziyatda aynan nima notog’ri ekanligi haqida so’zlay oling. So’ngra siz ishongan bir-ikki insonga o’z kechinmalaringiz haqida aytib bering.
O’zingizni yaxshi his qilish uchun, nima qilishingiz kerakligini o’z zimmangizga yuklang.
Kechirish, bu aynan siz uchun va boshqa hech kim uchun emas. Kechirish-bu, albatta, sizga ozor yetkazgan inson bilan yarashish yoki ularning harakati bilan murosai madoraga kelishni anglatmaydi. Siz izlayotgan narsa, bu - xotirjamlik. Kechirishni “nimaiki sizga ozor bergan bo’lsa uni kamroq ayblash, hayot kechinmalarini kamroq darajada shaxsiy qabul qilish va g’amgin hikoyaningizni o’zgartirish natijasida yuzaga keluvchi osoyishtalik va tushunish” deb ta’riflash mumkin.
Nimalar sodir bo’layotgani haqida aniq tushunchaga ega bo’ling. Sizning asosiy iztiroblaringiz manbayi sizni 2 daqiqa yoki 10 yil oldin ranjitgan va ozor bergan narsalar emas, balki siz hozir xafagarchilik hislari, o’y-fikrlari va fiziologik xafalikdan iztirob tortmoqdasiz. Kechirish ozor yetgan hissiyotlaringizga malham bo’ladi.
Xafagarchilikni his qilganingizda tanangizni fiziologik jihatdan tinchlantirish uchun stressni boshqarishning sodda usullarini mashq qiling.
#kechirish #motivation #podcast
28 фев 2023
