#urathiwakamaru #kamarungogoyo #josephkamaru
Album:-Urathi Wa Kamaru Vol 1
Album Release:-1975
Stream or Listen :smarturl.it/Ur...
Website: josephkamaru.com/
Skiza: SMS [Skiza 5802087 ) to 811
Lyrics;
Nĩ Kenya ĩrĩa yakwa ndahũragĩrwo
Kana nĩ ĩrĩa iitũ mwahunyĩrĩra
Yainainio ta thaara ta ĩtarĩ mwene
Kuuma ũmũthi Kenya ngũmĩne Ngai
Ngũria yahũrĩrwo ngengere nĩkĩ
Akorwo ĩrĩ thiirĩ nĩnjĩrwo ndĩhe
Tondũ ũrĩa warĩ ho nĩtwarĩhire
Na thakame nyingĩ Ngai arokumio
Ndũire njetereire mũnyumbũrĩre
Tharata ĩno nĩ ĩrĩkũ ĩtarĩ mũtegi
Na mwacũgia ndeto yanyua kagera
Na ĩrĩ kuonwo nĩ aka ndĩrĩ yericha
Ngũigua ta ingĩrĩra ndaririkana
Twagũikĩirie mĩtĩ ũgatũtetere
Na rĩu nĩ Kenya woha mũgoto
Ngũria ũkũmĩendia kũ Kenya ya Ngai
Mũrata kaĩ ũtangĩringwo nĩ tha
ĩ ciana na athuuri ona atumia
Korwo warĩ Nairobi hĩndĩ ya power
No ũmenye ũthamaki nĩ wa Ngai
Ngũria ũthamaki ũyũ ũmũkinyĩte kũ
Na gũtirĩ ũngĩthamaka ta Ngai
Mbia mũrĩ nacio na ithaka nene
Wakahare akuire agĩcaria ngemi
Mũrata ngwenda wĩyũrie na ngoro
Mbaara ĩngĩtũrĩka wee tondũ ũrĩ mbia
Nĩũkũhaica ngarawa naithuĩ tũthire
ũrĩathaga mĩtĩ kana nĩ nyamũ
Atongoria kaĩ mwariganĩrwo
Nĩ kĩrumi kĩa jommo ũrĩa ũrĩ irima
Kenya ti mũirĩtu mũnyũire njohi
ũrĩa ũmĩkundĩte atahĩkio narua
Nĩguo mwĩtĩkie Kenya nĩ ya Ngai
Mata marĩ rũhĩ ndikwongerera
Mwendia wa bũrũri atarĩ na ithĩgĩ
Thigira wake nginyĩte ona ikinya
Ngai twakũhoya ũtũhũgũkĩre
Twĩka Mũthamaki ũtuonie njĩra
Tondũ nguona Kenya ta ĩrĩ na ihoe
Na inyuĩ makanitha mũhoe mũno
Nĩguo mwĩtĩkie Kenya nĩ ya Ngai
Mata marĩ rũhĩ ndikwongerera
Mwendia wa bũrũri atarĩ na ithĩgĩ
Thigira wake nginyĩte ona ikinya
Ngai twakũhoya ũtũhũgũkĩre
Twĩka Mũthamaki ũtuonie njĩra
Tondũ nguona Kenya ta ĩrĩ na ihoe
Na inyuĩ makanitha mũhoe mũno
28 авг 2024