Kərbəlayi Həsən Rəsmi Kanalı
Sözləri🎶
ƏLİNİN DƏYDİ XƏNCƏR BAŞINA
Ta namaz üstə Əlinin dəydi xəncər başına,
Fatimə cənnətdə saldı qarə məcər başına.
Başına xəncər dəyəndə ərşi davər titrədi,
Lərzə düşdü məscidə, mehrabü minbər titrədi,
Qatili birəhm əlində qanlı xəncər titrədi,
Yazdı xəncər kəlmeyi "Allahu Əkbər" başına.
Səcdədən baş qovzadı sultani mülki Mürtəza,
Ay kimi münşəqq olub fərqi şahənşahi vila.
Yağmadı bu zülmidə ya Rəbb niyə göydən bəla?
Kül gərək səpsin bu qəmdə əhli məhşər başına.
Bir kilimə bükdülər cismi şərifi Heydəri,
Ləxtə-ləxtə qan ilə dolmuşdu ziba gözləri.
Səslədi, oğlum Həsən sən qıl namazı axəri,
Baxma bu zalim nə zülm eylədi Heydər başına.
Rahət oldum bu cahandan and ola sübhanimə,
Nəqdi cani aqibət etdim fəda cananimə,
Dilxoşam min yol namaz üstə boyansam qanimə,
Hər bəla gəlsə gələr mərdi dilavər başına.
İstirəm Zeynəb bu halda Mürtəzasın görməsin,
Bir kilim içrə o müztər öz atasın görməsin,
Səy edin başımdakı xəncər yarasın görməsin,
Görməsin xəncər dəyib saqiye Kövsər başına.
Ya Əli, sən olmadın razı tökə göz yaşını,
Zeynəbin əldən fələk aldı Hüseyn qardaşını,
Bir zaman nizə başında gördü qardaş başını,
Səslədi, yandım yaralı, kül bu xahər başına.
Yarəli başından axdı qan dolubdur gözlərə,
Vurdu od qəlbi Hüseynə bu əsəfli mənzərə.
Gör ədalət neylədi axırda Şahi Xeybərə,
Məscidi Kufə dolandı Şahi Xeybər başına.
Həqqini pamal edibdir əhli kin dillənmədi,
İyirmi beş il etdilər xanəneşin dillənmədi,
Əyləşib aldı qucağə dizlərin dillənmədi,
Gör nələr ümmət gətirdi qəmli Rəhbər başına.
Gərçi ümmətdən Əli oldu gileyli dinmədi,
Vurdu düşmən surəti Zəhraya sili dinmədi,
Oldu nilufər kimi rüxsari niyli dinmədi,
Çox bəlalar gətdilər Zəhrayi əthər başına.
#KerbelayiHesen
#OfficialVideo
29 мар 2024
