KHANG KA DC, EAST KHASI HILLS BAN PYNLONG RALLY KHLEM DA IOH PERMISSION 

KHANG KA DC, EAST KHASI HILLS BAN PYNLONG RALLY KHLEM DA IOH PERMISSION
Ka FKJGP bad ka Khasi Jaintia Butchers’ Association ha ka 27 tarik uNailur 2024 ,ki la leit ia kynduh ia ka Deputy Commissioner ka East Khasi Hills ka kong R.M. Kurbah ban pynpaw ia ka jingpyrshah halor ka jingthmu kawei ka kynhun kaba la tip kum ka Jagadguru Shankaracharya Swami Avimukteshwaranand Saraswati, ban pynlong ia ka jingiaid paidbah ha Meghalaya ban pyrshah ia ka jingbam doh masi bad thmu ban kyntiew kyrdan ia ka masi kum ka kmie jong ka ri india.
Haba ia kren sha ki lad pathai khubor hadien ka jingiakynduh bad Ka DC, u president ka FKJGP, Bah Dundee Khongsit u la ong ba kum ka jaitbynriew ngi pyrshah ia ka jingthmu kane ka kynhun ban pynpharia ia ka jingsngewpher niam da kaba khang ia ka bam ka sa jong ki paidbah. Bad ym dei ban khang pyrshah ia ka mon ki briew shimet ban jied ia ka bam kaba ki sngewdonkam ha la ka jong ka jong ka jingim. Kane ka kynhun ka thmu ban thom ia ka mon balaitluid jong ki paidbah, ba ka Riti Shynshar ka la pynkup bor ha man uwei pa uwei u nongshong shnong.
U Bah Dundee u la iathuh ruh ba na ka liang ka DC ka la iathuh ba na ka liang kane ka kynhun ka khlem pan jingbit ne permission ban iaid rally.
Hynrei hadien tang katto katne ka jingiakynduh ia ka DC, ka la pynmih noh ia ka hukum pyrshah ban ia lum briew bun ngut bad ban iaid rally ha kylleng ka nongbah shillong khlem da ioh jingbit na ka Deputy Commissioner.
Kino kino kiba pynkhein ain kin ngat ha ka kyndon ain (section) 223 jong ka BNS, ka la ong.
Peit ia ki program ba bun bah jong ka Don Bosco Media Network TV
1. Local Cable LCN Channel 279
2. RU-vid Channel
3. OTT @ dbmnTv
4. Ha ka website: donboscoshillong.org
#Khuborjylla #khasinews #khuborkhasi #NewsFromMeghalaya​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ #donboscomedianetwork #KSU #NEHU #Shillong #dbmnTv #Khubor #Shillong #donbosco #Samla #Youth
Follow us on:
Facebook: www.facebook.c...
Instagram: / db_media_network_shillong