Khit Thit သတင်းဌာန၏ စက်တင်ဘာ ၉ ရက် နေ့လယ်ပိုင်း ရုပ်သံသတင်းအစီအစဉ် 

Khit Thit သတင်းဌာန၏ စက်တင်ဘာ ၉ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ စက်တင်ဘာ ၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-အကြမ်းဖက် စစ်ကောင်စီက တစ်နိုင်ငံလုံးမှာ သူတို့ လက်လွှတ် ဆုံးရှုံးလိုက်ရတဲ့ နယ်မြေတွေကို ပြန်လည်တိုက်ခိုက်သိမ်းပိုက်မယ့် ရန်နိုင်မင်း စစ်ဆင်ရေးဟာ နိုင်ငံအဆင့် စစ်ဆင်ရေးဆိုပြီးပြောထား သလို ၊ လက်ရှိ လေကြောင်းတိုက်ခိုက်မှုတွေ နဲ့ မြေပြင်ထိုးစစ်တွေကို အချိန်မရွေးလုပ်ဆောင်ဖို့ ညွန်ကြား ထားတယ်လို့ နေပြည်တော် စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
ရှမ်းပြည်နယ်မြောက်ပိုင်းက လားရှိုးမြို့ကို ဘာ တိုက်ပွဲမှ မရှိပဲ အကြမ်းဖက် စစ်ကောင်စီက ဒုတိယအကြိမ် လေယာဉ်နဲ့ ဗုံးကျဲမှုဟာ လူသားမျိုးနွယ်အပေါ် ရာဇဝတ်မှု ကျူးလွန်နေတာ သာဖြစ်တယ်လို့ MNDAA ကနေ တရားဝင်ကြေညာလိုက်ပါတယ်။
ပဲခူးတိုင်း၊ ကြို့ပင်ကောက်မြို့နယ်က ကွင်းချောင်းကျေးရွမှာ တပ်စွဲပြီး ပြည်သူတွေကို ပေါ်တာဆွဲ ဖမ်းဆီးနေတဲ့ အကြမ်းဖက် စစ်ကောင်စီ တပ်သားတွေကို တော်လှန်ရေးပူးပေါင်းတပ်တွေက ဝင်ရောက် တိုက်ခိုက်မှုအတွင်း စစ်ကောင်စီတပ်သား ၇ ဦး သေသွားတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။