Khit Thit သတင်းဌာန၏ ဇူလိုင် ၃ ရက် နေ့လယ်ပိုင်း ရုပ်သံသတင်းအစီအစဉ် 

Khit Thit သတင်းဌာန၏ ဇူလိုင် ၃ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇူလိုင် ၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-ရှမ်းပြည်နယ်မြောက်ပိုင်းက လားရှိုးမြို့ ပတ်ပတ်လည်မှာ တိုက်ပွဲ အပြင်းအထန်ဖြစ်ပွားနေပြီး အကြမ်းဖက် စစ်ကောင်စီတပ်က မနေ့ညကတည်းက ဒီကနေ့အထိ လက်နက်ကြီးတွေနဲ့ တောက် လျှောက်ပစ်ခတ်နေသလို ၊ လားရှိုးမြို့အနီးက စစ်တပ် ကာကင်းစခန်းတချို့လည်း စတင် အသိမ်းခံလိုက်ရပြီလို့ စစ်ရေးသတင်းရင်းမြစ်နဲ့ ဒေသခံပြည်သူတွေက ပြောထားပါတယ်။
- မန္တလေးတိုင်း မတ္တရာမြို့နယ်က အကြမ်းဖက် စစ်ကောင်စီရဲ့ အမှတ် ၁၀၁၄ လေကြောင်းရန် ကာကွယ်ရေး အင်ကြင်းမြိုင်တပ်ရင်းကို PDF တပ်ဖွဲ့တွေက သိမ်းပိုက်မှုအတွင်း တပ်မမှုးအပါအဝင် လက်နက်ချခဲ့တဲ့ စစ်တပ်အရာရှိတွေနဲ့ စစ်သည်တွေကို စစ်ကောင်စီက အရေးယူဖို့ ညွန်ကြား လိုက်ပြန်တယ်လို့ နေပြည်တော် စစ်ဘက်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
-မန္တလေးတိုင်းက မြင်းခြံခရိုင်မှာ သံဃာတော်တွေက စစ်ကောင်စီကို ပတ္တနိက္ကုဇ္ဇန ကံဆောင်သပိတ် မှောက်မှုမှာပါဝင်လာပြီး ပြည်သူတွေနဲ့အတူ ချီတက် ဆန္ဒပြခဲ့ကြသလို ဝင်းနိမ္မိတာရုံဆရာတောကို စစ်တပ်က ပစ်သတ်မှုကြောင့် စစ်ကောင်စီကို သံဃာတွေ သပိတ်မှောက်တဲ့ မြို့နယ် ၁၇ ခုအထိ ရှိလာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။