Song : Kinjithamum Nenje
Lyric : John Palmer
Introduction : Prof.Martin Devaprasath
Sung & Performed by : Sastriar Mrs.Sarah Martin
Music : Earnest Chellappa
Album : Sthothari
Editing : D.Karthikeyan
Digital on : D.K.Enterprises
Produced & Copyrights : The Matins
open.spotify.c...
www.amazon.com...
wynk.in/music/...
/ sthothari
www.deezer.com...
ar.napster.com...
www.iheart.com...
பல்லவி
கிஞ்சிதமும் நெஞ்சே, அஞ்சிடாதே - நல்ல
கேடகத்தைப் பிடி நீ - விசுவாசக்
கேடகத்தைப் பிடி நீ
அனுபல்லவி
வஞ்சனையாகவே பேய் எதிர்த்துன்றனை
வன்னிக் கணைதொடுத் தெய்கின்ற வேளையில்,
நெஞ்சில் படாமல் தடுக்க அது நல்ல
நிச்சயமான பரிசை அறிந்து நீ - கிஞ்சிதமும்
சரணங்கள்
1. பாவத்தை வெறுக்க, ஆபத்தைச் சகிக்க,
பத்தியில் தெளிக்கவும், - நித்ய
ஜீவனைப் பிடிக்க, லோகத்தை ஜெயிக்க,
திறமை அளிக்கவும்,
சாவே உன் கூர் எங்கே? பாதாளமே, உன்
ஜெயம் எங்கே? என்று நீ கூவிக் களிக்கவும்,
தேவன் உகந்துனைத் தான் அங்கீகரிக்க,
செய்யவுமே அது திவ்ய நல் ஆயுதம் - கிஞ்சிதமும்
2. பண்டையர் அந்தப் பரிசையினால் அல்லோ,
கண்டடைந்தார் பேறு? - நல்ல
தொண்டன் ஆபேல் முதலான வைதீகரைத்
தொகுத்து வெவ்வேறு
விண்டுரைக்கில் பெருகும் தீ அணைத்ததும்,
வீரிய சிங்கத்தின் வாயை அடைத்ததும்,
கண்டிதமாய் வெற்றி கொண்டது மாம்பல
காரியங்களையும் பார் இது மா ஜெயம் -- கிஞ்சிதமும்
பாடலின் பொருள்
பல்லவி
கொஞ்சமும் நெஞ்சே நீ பயப்படாதே விசுவாசமாகிய கேடகத்தை நீ பிடித்துகொள்.
அனுபல்லவி
உன்னை அழித்துவிடவேண்டும் என்பதற்காகவே வஞ்சக எண்ணத்தோடு உனக்கு எதிராக அம்புகளைத் தொடுக்கும்போது, அந்த அம்புகள் உன் நெஞ்சத்தில் வந்து தைக்காமல் தடுப்பதற்கு. அந்தக்கேடயம் உறுதியான காவலாக அமையும்.
சரணங்கள்
1. பாவத்தை வெறுக்கவும். அபாயத்தைப் பொறுத்துக்கொள்ளவும்,இறையன்பில் தெளிவைப்பெறவும்.உண்மையான வாழ்வினைப்பிடித்துக்கொள்ளவும், உலகத்தை வெற்றி சாண்பதற்குரிய திறமையைப் பெற்றுக்கொள்ளவும் “சாவே உன் கொடுக்கு எங்கே? பாதாளமே உன் வெற்றி எங்கே?" என்று ஆர்ப்பரிக்கவும் ஆண்டவர் உன்னை விரும்பி ஏற்றுக்கொள்வதற்கும் உரிய வல்லமையான போர்க்கருவி அந்தக் கேடயம்.
2. ஆதி காலத்தைச் சேர்ந்த மக்கள். அந்தக் கருவியினால் அல்லவா நல்ல வாய்ப்பினைப் பெற்றுக்கொண்டனர். ஆதிகாலத்து ஆபேல் அடியவர் ஒவ்வொருவரையும் பார்க்கும்போது,போன்ற அப்படிப்பட்டவர்களின் பெயர்ப்பட்டியல் பெரிதாகிப்போகும். தீ அணைந்ததையும்,வலிமையான சிங்கத்தின் வாயினைக்கட்டிப்போட்டதையும், உண்மையான வெற்றிகள் பல பெற்ற செயல்களையும் எண்ணிப்பார்த்தால் இது மிகப்பெரிய வெற்றியாகும்.
5 сен 2024