Noong Abril 28, 2020 sa ganap na alas-dos ng hapon, sa aktibong pangunguna ni PMAJ MHARDIE R AZARES, OIC, CMFC ay nagkaroon ng gift giving activity sa ating kapus-palad na kababayan at katutubong myembro sa Palawan (Badjao) sa Sitio Apan, Purok Firetree at Purok Narra, Brgy. Sicsican, lungsod ng Puerto Princesa kaugnay sa programa ng Pambansang Pulisya (PNP), ang "Kapwa Ko, Sagot Ko" (Adopt a Family Program) ngayong panahon ng krisis dulot ng COVID19.
Layunin ng programang ito ay makapag bigay ng ayuda sa mga lubos na naapektuhan ng Enhanced Community Quarantine dahil sa COVID19. Ang nalikom na pera na pinambili ng mga relief goods ay mula sa boluntaryong kontribusyon ng kapulisan ng CMFC at sa tulong ng mga pribadong sector. Ito ay pagpapakita ng malasakit sa kapwa o ang pagsasabuhay ng spirit ng “Bayanihan”.
Maliban sa pamamahagi ng nasabing tulong, ay nagbigay din ng mga mahahalagang impormasyon ang mga pulis ukol sa pag-iwas at pagsupil sa pagkalat ng sakit na COVID19. Halimbawa ng mga ito ay ang wastong paghugas ng kamay, pagsunod sa social distancing at pagsuot ng facemask lalona't nasa matataong lugar.
Humigit kumulang na 70 pamilya o 306 na indibidwal ang natulungan at napaglingkuran sa nasabing programa.
#KapwaKoSagotKo
#KwentongBayanihanLabanSaCOVID19 #TeamPNP #PNPKakampiMo #WeServeAndProtect #COVID19 #WeHealAsOne
29 апр 2020
