“Kjo është kënaqësi e madhe kur ta bien baltën tek pragu i derës. Çe do asfaltin! Ky popull në baltë është mësuar”, kështu ironizon një banor i qytetit të Përrenjasit për shkatërrimin e rrugës.
Kjo rrugë e dëmtuar e mbushur me çakull nuk ndodhet në ndonjë fshat siç jemi mësuar të shohim shpesh.
Por në qytetin e Prrenjasit rruga 700 metra e gjatë lidh banorët e qendrës së qytetit me ata të zonës industrial.
Për herë të fundit është rikonstruktuar në vitin 2003. Por nuk është mirëmbajtur ndër vite.
“Me baltë të kuqe e kanë shtruar, çakull s’është”, shprehet një banor.
“Ne nuk jemi dy kategori klasore, këtej të vobektit, këtej qendra e qytetit. Bashkia duhet ta shohë njësoj për të gjithë situatën”, thotë një tjetër banor.
Ka dhe nga ata banorë që mendojnë se ndërhyrja me zhavorr bëhet për shkak të zgjedhjeve, ndërsa kanë theksuar se me këtë mënyrë që kanë zgjedhur ta rregullojnë nuk kanë për të marrë vota.
“Nuk marrin vota kështu, kjo do asfaltin”, shprehet ai.
Banorët tregojnë se rruga u dëmtua më shumë kur ndërmarrja e ujësjellësit sistemoi kanalizimet.
“Ndërmarrja e ujësjellësit duhet ta rregullojë, të mbushë këto kanalet se do bjerë ndonjë njeri brenda”, shprehet ai.
Pas interesimit pranë Bashkisë së Prrenjasit, përgjigja ishte se kjo rrugë do të rehabilitohet.
Por Bashkia nuk dha asnjë detaj më tepër nëse ka gati një projekt apo kur mund të implementohet projekti.
/abcnews.al/
Per informacionet me te fundit klikoni:
Web: abcnews.al/
Facebook: / abcnews.al
Instagram: / abcnewsal
Subscribe kanalin tone ne: youtube: / abcalbanian
#abcnews #abcnewsalbania
6 мар 2021
