Lənkəranda 35 yaşlı kişinin meyiti körpünün altında tapılıb 

Lənkəranda 35 yaşlı kişinin meyiti körpünün altında tapılıb. Onun ölümünün dəqiq səbəbləri Ekspertizanın verəcəyi rəydən sonra məlum olacaq.
Bu gün günorta saatlarında Lənkəran rayonunun Sütəmurdov kəndi ərazisində, Dəhnə deyilən ərazidə körpünün altında kişi meyiti tapılıb. Dərhal hadisə yerinə hüquq mühafizə orqanlarının əməkdaşları, təcili tibbi yardım briqadası cəlb olunub. Araşdırmalarla məlum olub ki, aşkar olunan meyit Lənkəran rayon Sütəmurdov kənd sakini 35 yaşlı Vüsal Rəhimovdur. İlkin məlumata görə Vüsal Rəhimov körpüdən yıxılaraq öldüyü bildirilir. Qeyd edək ki, Vüsal Rəhimov dünəndən evdən çıxıb və yaxınları onu axtarırmış. Meyit aidiyyəti üzrə təhvil verilib. Ekspertizanın verəcəyi rəydən sonra ölümün dəqiq səbəbləri məlum olacaq. Faktla bağlı araşdırma aparılır.