عجيب فيديو من 2016 حتى 2023 و قعد صالح و مواكب للأحداث و للأوضاع إلى يومنا هذا و معبّر على الحقيقة بكل ما فيه من لقطات من الاول إلى الأخير .. يعطيكم الصحة ..
و الحاجة لي تغيض اكثر انو رانا في 2022 و مازالت الحالة كيف كيف ماتغير والو و بالعكس الحالة زادت سوءا و سوءا .. فيديو صالح ومواكب لجميع الاحداث و العصور...
عجيب فيديو من 2016 حتى 2020 و قعد صالح و مواكب للأحداث و للأوضاع إلى يومنا هذا و معبّر على الحقيقة بكل ما فيه من لقطات من الاول إلى الأخير .. يعطيكم الصحة .. CHAPEAU
جيت من 2023 الاسعار اللي كانو فالوقت هذا و الاوضاع كامل كون غير ترجع من لي حكم تبون و حنا ف عز الأزمة اللوبيا و العدس ب 60 الف لا حول ولا قوة إلا بالله ربي يرحم بوتفليقة و العصابة القديمة
المشكل انه مساحة الجزائر كبيرة لكن المساحة المستغلة هي الشمالية فقط !!! هناك معارضين تاع الخدمة في الصحرا ... نعرف واحد زرع البطاطا في الصحرا حرقوهالو .... بلاد المافيا و بلاد الشمال .... عندنا كنز في الصحرا ناس يحسدو فينا عليه ...
: پودكاست مخدوم مليح بصح معمر مغالطات وهضرة پاجات تاع فايسبوك 1. الأوپيرا الجديدة تاع دزاير هي كادو (هدية) من الصين للجزاير لتقوية الشراكة والعلاقات وداكشي. كلشي من اليد العاملة للماتريال جاي من لاشين, يعني الدولة صرفت عليها زيرو سنتيم. جابولكم الفن والثقافة ولكنكم لا تشكرون 2. الهضرة فالپورتابل عادت تتحسب بالدقيقة في عوض 30 ثانية كيما كانت, بصّح طبقوها غير جيزي وأوريدو اللي هوما شركات پريفي ماشي تاع الدولة. الشركة الوحيدة تاع التيليكوم اللي تملكها الدولة هي موبيليس, وكون تجي تشوف هوما برك اللي مازالهم يخدمو بالسيستام تاع 30 ثانية. معناتها هاد الحاجة ماعندهاش علاقة بالتقشف وعلاقتها بالشركات تاع التيليكوم اللي يستغلو غباء الجزايري باش يبنيو ثروة على ظهرو, خاطر علابالهم باللي راح يشتكي من الدولة كي العادة وماشي منهم 3. سپيسفيك شعبوي ويحشيه للشعب اللي مازالو يخدم بويندوز بومدين (ديجا راه دار عليكم هاد اليامات وظهر مع بوتاف). التراب ولا الماكلة تاع القطط يجيبهم مستورد پريفي بدراهمو ويبيعهم فالسوق, مادام تمشيلو السلعة معناتها كاين عليهم طلب من الناس وانت ماتقدرش تقولو ماتجيبش الفحم وجيب الزرودية, وماتقدرش تقول للشعب ماتشريوش هاديك واشريو هادي, الاقتصاد الحر هادا هو. صح كاين فوضى وفساد ف المجال تاع لامپورطاسيون, بصح ماهمش محصورين ف الماكلة تاع القطط 4. (الرقم تاع 400 مليار دولار خيالي وما عاندو حتى مصدر موثوق. الريزارف تاع الدوفيز ف الجازاير عمرو ما فات 210 مليار (220 كأقصى تقدير 5. الزيادة ف ليسونس نتيجة رفع جزئي تاع الدعم على الوقود كانت رايحة تصرى اليوم ولا غدوا. لازم نعرفو بلي كاين زوج اتجاهات فالاقتصاد, كاين الدول اللي تخلي المواطنين تاعها يخلصو بزاف الضرائب وتعطيهم خدمات باطل, كيما الصحة والتعليم العالي والتدعيم على الما والتريسيتي ووو, يعني انت تخلص من المدخول تاعك وتستفاد من امتيازات اجتماعية, مثال على هاد الدول هي فرونسا ولا السويد. كاين دول وحدوخرين يعفيو المواطنين تاعهم من أغلب الضرائب بصّح تعود تخلص على هادوك الخدمات من جيبك, مثال على هاد الدول الماريكان ولا سويسرا الجزايري يحوس على المليح بلا مايفوت على الخايب, يعني يدّي كلش باطل ومايخلصش ليطاكس. هاد الحاجة كانت ممكنة نوعا ما مع الپترول اللي كان مغطي على السياسة الاقتصادية العبثية تاع البلاد, بصّح ضركا كي طاحو ليپري عاد من المستحيل نكملو بنفس الريتم تاع ليترا ايسونس رخيصة على ليترا تاع ما. للعلم قطر والسعودية اللي خاريين پترول حتى هوما زادو ف الاسعار 6. القمح عمرنا ماراح نحبسو الاستيراد تاعو, والسبب الجزايري ف حد ذاتو, باش نجبدو شوية تاريخ, قبل ماتجي فرونسا كانت الاغلبية تاع الشعب تاكل من القمح الصلب والشعير, تلقى الحوايج التقليديين كيما الكسرة, المطلوع, الخبز تاع الكيلو... بكل يتخدمو بيه. من وراها عدنا نستهلكو الخبز الفرنسي بزاف (الباڤيطة) اللي مخدوم من القمح اللين (تاني نجبدو منو الفارينة), المشكل هو أنو هاد النوع تاع القمح صعيب ينوض بكمية كبيرة ف المناخ تاع شمال أفريقيا, ومستحيل تغطي بيه الاحتياج تاع 40 مليون جزايري. لازم تاني نعرفو باللي الجزاير ف أغلب المواسم تصدر القمح الصلب خاطر كاين فائض فالانتاج. الحل هو نوليو ناكلو الكسرة وخبز الشعير ماش برك خاطر رايحين نوصلو للاكتفاء الذاتي, تاني خاطر القمح الصلب صحّي اكتر من القمح اللين هنا مارنيش ندافع على الدولة ولا الكلون تاع سلال اللي دخلونا ف هاد الزبالة أساسا, بصح لاكان راك حاب تكريتيكي لازم تعرف وش تقول وتكون موضوعي وواقعي. ككوميدي خليك ف النقد الاجتماعي خير وبعّد على الشعبوية
عندك الصح في كلش الجزايريين كامل يعرفو غير الدولة الدولة و كي تهدر معاه يقولك كيفاش ماكانش لي يحب يخدم قاع يحوسو على الواجد علابيها نستوردو كلش يقولك انا نخدم في بيرو و حاط رجل فةق رجل و راقد و يحبو يدير اونساج يجيب طوموبيل و راه يدودر حنا لي جبناها في رواحنا كي كنا نقولو بوتفليقة جاب الخير معاه ....... ابسط متال انو كي كترت الفساد و الربا و راح الخير ، حتى ربي و ما رزقناش بالشتى كون تكمل كيما هاك تشوف فالصيف شا يصرا. الدولة حاكمينها غير المقودين كيفاش حابنا نطوروا سي سلال راح لالمان بهدلنا و جا و زيد حرمها على الحراقين حتى قاتلو ميركل ادي ولادك و قود و كاين بزاف صوالح........ الله يلطف و يحمي بلادنا لانو مابقاش بزاف وتطرطق.
والله عندك الحق خويا يوسف رانا وصلتا نشرو لاوكسجين كلامك ولى حقيقة ربي يوفقك وربي يرفد علينا هادااا الوباء ويرحم كامل الجزائرين لي توافاووو في هاد العام 2021
ما عرفتش إذا عجبني الفيديو و لا الاخراج و لا السيناريو و لا الأفكار ....... برافو على جميع الأصعدة....... ترفدك الدولة دزاير نخلطها .....واصل إلى الأمام
والله فيديوهاتك في لاكس خويا الواقع بطريقة كوميدية والفاهم يفهم ياخويا راهو قلبي وجعني كي زدت شفت عمايل العصابة الله لاتربحهم بركت الشهر الفضيل 😭😭😭😭😭😭😭
