Magkakaibigan (Lyrics)
Noong una ang isa’t isa sa atin ay
naglalakbay sa buhay at puro matamlay.
Laging hanap-hanap ang ligayang tunay,
Naghihintay kung sinong makapagpakulay.
Sa mundong ating ginagalawan ikaw ay nandyan,
Sa puso at sa diwa ikaw ang kailangan.
Ang dapat sa atin ay magtulungan,
Tunay na magkaibigan ay nagdadamayan.
Chorus:
Kaya’t purihin Siya, pasalamatan Siya.
Nang dahil kay Hesus ay nakilala kita,
Sayo ko lang nadama ang ligayang,
Tunay at wagas parang pagmamahal Niya.
(2X)
Sa twing ika’y nangangamba dinadamayan kita,
Panatilihin natin ang apoy ng pagsasama.
Dito ka sa aking tabi aalagaan kita,
Sabay tayong magdasal hingin ang gabay Niya.
Si Hesus ang nagbigay sa ating kakayahan,
Nararapat itaas ang Kanyang Pangalan.
Kamay ko’y iyong hawakan at ako’y sabayan,
Ipalaganap sa mundo ang Kanyang kabutihan.
(Repeat Chorus)
Bridge:
Sa problema andyan ka alam kong ikaw ay bigay Niya,
Sa mga regalo Niya isa ka sa mga nangunguna.
Dahil sayo ako ngayo’y masaya..
Noong una ang isa’t isa sa atin ay
naglalakbay sa buhay at puro matamlay.
Laging hanap-hanap ang ligayang tunay,
Naghihintay kung sinong makapagpakulay.
At ngayong nandito ka ako ngayo’y masigla,
Tinanggal mo ang lungkot at mga pangamba.
Sa kwentuhan at kulitan laging nandyan ka,
Pinalitan mo ng ngiti ang mga problema.
13 окт 2024