Lawngtlai vengpui In kangah mi 2 kang hlum. A va rapthlak em!! 

Jun 23.2024. Zanin dar 9:30 vel khan Lawngtlai Vengpuia Pu Thangnawna in chu a kang a. He in kangah hian mi pahnihin nunna an chan.
He in kangah hian mi pathum an cheng a, vanduaithlak takin mi pathum zinga pahnih, In neitu, Pi Sungtiali, kum 76 bawr vel leh a pasala farnu, Pi Darhliangi, kum 70 bawr vel te chuan nunna an chan a, he ina cheng ve, Pu Laltlanchhuaha erawh vannneih thlak takin a tlanchhuak hman hlauh niin thu kan dawng.
Lawngtlai East Bialtu MLA leh Adviser to CM, Dr. Lorrain Lalpekliana Chinzah chuan in kang leh hemi avanga nunna chan an awm chu pawi a tih thu sawiin, in neitu Pu Thangnawna a tawrhpui thu a sawi a. In thar an neih theih nan hma a laksak dawn tih a sawi bawk.
Nunna chante ruang hi Pi Sungtiali (L) fa upa ber Pi H. Zaithangi te in, SP Vengah an dah niin zaninah tlaivar pui an ni ang a, naktukah vui an ni ang.
In kan chhan hi Mombati chhit atanga intan nia rin a ni.
Nimin lam atang khan Lawngtlai khawpui hian power supply an dawng thei tawh lova, chhungkaw tamber chuan Mombati chhiin, khawsak a khaihlak viau a ni.
Vanduaina tawk chhungte leh nunna chan te kan lainat tak zet a ni!!!
The content of this video is for the purpose of information, education and entertainment. It does not contain nudity or sexually explicit, harmful or dangerous content, and is not violent or bloody, does not provoke hatred.