Lei
1)
Hriam nam lak ah kan lei, hi tih nung bik a si.
A hman zia thiam ah cun, duhnung bik zong a si.
Ram le mi phunpi zong a pawi ter i, a hrawk kho tu a si.
Khat le khat tuk le, khat le khat thahnak a chuah ter kho tu zong.
Kan lei hi a si caah, hman zia thiam hna usih.
Cho
Lei hman zia thiam tu le, lei a uk kho tu hi. Khuapi a uk kho tu, hna nak in an thawng deuh.
Hman zia a thiam tu hna caah thluachuah awn nak tawh fung a si i.
Hman zia a thiam lo mi hna caah cun, chiatsernak chuah pi tu
Lei a si, cu caah hman zia thiam u.
2)
Nun bu in mi thisen, chuah tu cu lei a si. Nun bu in mi sa can, hmang tu zong lei a si. Mi dang thang chiat nak tlang bang na zamh i, na vah pi lio ah khan. Na Bawipa Jesuh lung ai lawm hnga maw, tha tein ruat than rih hmanh. Nun bu lai nawng na si, zumtu ralring usih.
3)
Lung dir riam in mi kong, tha lo na ceih lio ah. Mi dang nih zei tin dah, an tuar ve lai ruat hmanh. Na lei hriang hmang in na hliamh mi hna le, na sawh mi hna mitthli. Na sin ah kir than ah cun thih ah nung tuk ee maw zumtu aw. Kan lei hi nunnak cerh, ti put ah hmang usih.
4)
Khrih ralkap kan si bang, ral liangan tei tu hi.
Mi dang tei tu si lo, mah le mah tei tu le.
Mah le mah i uk kho le nun veng kho tu le kil kho tu hi.
Lei ah an te fa chan, tiang thluachuah phur tu cu an si hlei ah.
Van ah teinak luchin, an co tu cu an si.
Cho
Lei hman zia thiam tu le, lei a uk kho tu hi. Khuapi a uk kho tu, hna nak in an thawng deuh.
Hman zia a thiam tu hna caah thluachuah awn nak tawh fung a si i.
Hman zia a thiam lo mi hna caah cun, chiatsernak chuah pi tu.
(Lei a si, cu caah hman zia thiam u.)3x
19 сен 2024
