-دخلي جميع الصفحات الفيسبوكية لي فيها العائلات وعصري عليهم ليلا نهارا بدون ملل أو كلل حتى aupair comقلبي فيه.ركزي على العائلات لي فلعروبيات إلى بغيتي تلقاي بسرعة حيت معليهمش تخاطيف،لان البنات ديال أروبا كيحوشو على العائلات لي في المدينة..
-ديري تصاور مناسبين لمشروع البحث ديالك (يجب أن يكون مظهرك الخارجي يوحي انك إنسانة ليست تافهة تهتم بالمظاهر ديري تصاور مع الحيوانات كلاب،سيري مركز تجاري وخا تعرفي تعمري الشاريو تصوري معاه ورجعيه🤣حداكم روض اطفال جمعية لذوي الاحتياجات سيري قولي ليهم عندي بحث واش نصور...طبعا غطي وجه الاطفال....يعني متعكري ميكونوش عندك ضفار طوال فاش تهدري مع العائلة فيديو ،كلشي على الانطباع الاول.
-الاوروبيين عمليين مفيهمش لهضرا بزاف، كيقولو المفيد ويغبرو،لاداعي للضغط عليهم كل يوم رسالة ،كطيح قيمتك..
-متقولوش عندكم عمل قار ...أو مدخول مادي غيطمعو فيك تخلصي على راسك التأمين ....واصلا ممنوع تكوني خدامة إلى بغيتي اوبير ،قولي غير نضيباني مرة مرة
-ديري شي تكوين زيديه فشي جمعية راهم موجودين بالمجان في الطبخ في أي مجال مهني ماشي قرايا اقصد حرفة هي لي فتفتح ليك الباب
-دبلوم الإسعافات الأولية مجاني ديريه غيعطيك قيمة اكبر
-رخصة السياقة ضرورية غتعطيك ميزة إضافية على البنات الاخرين،وغيكون عندك حظ اكبر حيت عائلات بزاف كيشرطو رخصة سياقة.وخا متكونيش تصوقي مزيال يقدرو يعلموك فاش تجي على الأقل خاصك الرخصة
-حاولي طلبي تقراي الألمانية ماشي لغة أخرى نصيحة
-مدفعيش كبير فمسألة لخلاص ،
-ابحثي في صمت ،شوهة مغتخليك ديري والو
-باني حادكة ونشيطة في المجتمع لي كتعيشي فيه ،الانسان لي مفيهش خير للأمة ديالو ميمكنش ينفع أمة اخرى،
-الى سولوك شنو كديري فحياتك وانت معندك والو أو معندكش تجربة مع الاطفال، قولي متطوعة في جمعية ديال .....تجربتي مع الاطفال في مساعدت أبناء الجيران في أداء الواجبات المدرسية ،تقدري تختارعي شي مشهد وتصوي الحدث😉كنعاون ماما في المطبخ ،كنمشي نتقضى اغراض البيت كنعرف نوفر مزيان
-كيفاش كدوزي وقت فراغك، كنتفرج كنقرى كنلعب شطرنج ،وخصوصا قولي انك تموتي على الدراجة الهوائية 😁وقولي ليهم كنستمتع أكثر إلى كنت منظفة البيت والمطبخ كنشعر بسعادة مضاعفة،ضروري تباني حادكا باش يشمو فيك رائحة الاستغلال، حيت بصراحة هادشي لاش يجيبو اوبير من افريقيا،لان البنت الأوروبية معكازة ومعفونة ..ماشي كلشي لكن اغلبهم
-الثقة المطلقة انك غتلقاي طال زمان أو قصار....
-
27 сен 2024
