Mayın 23-də polis tərəfindən saxlanan kuir aktivistlər Əli Məlikov və Cavid Nəbiyev bir sutka sonra məhkəmə qərarı ilə cərimələnərək azadlığa buraxılıblar.
Bir neçə gün əvvəl saxlanılmış transgenderin həbsinə etiraz olaraq digər transgenderlər Bakı şəhəri Xətai rayon polis idarəsinin 37-ci bölməsinin qarşısına toplaşıblar. Aktivistlər Əli Məlikov və Cavid Nəbiyev isə dəstək üçün ora gəliblər. Hadisə yerində olan jurnalistlərin sözlərinə görə, onlar aksiyanı kənarda heç bir müdaxiləsiz izləsələr də, polis tərəfindən zorakılıqla saxlanılıblar.
Gecəni bölmədə keçirən fəallar mayın 24-də Xətai Rayon Məhkəməsinə gətirilib.
Məhkəmənin qərarı ilə Cavid Nəbiyev 300 manat, Əli Məlikov isə 70 manat məbləğində cərimə edilərək məhkəmədən sərbəst buraxılıblar.
Məhkəmədən sonra sərbəst buraxılan fəallar polis tərəfindən zorakılığa məruz qaldıqlarını bildiriblər.
Bizi digər sosial şəbəkələrdə izləyin.
/ nurlan.jurnalist
Çəkin göndərin yayımlayaq - Whatsapp: +994 55 785 20 93 (Nurlan Libre)
24 май 2023
