#jigdo #tibetansong2024
Lhakyi Happy Tibetan New Year Losar Song 2024 ལེན་མཁན། ལྷ་སྐྱིད། བོད་ཕྲེང་བ་ཅན་གྱི་ལོ་སར།
བོད་ཕྲེང་བ་ཅན་གྱི་ལོ་སར།丨新年好
ཚིག ཟླ་བ་དོན་གྲུབ།
དབྱངས། ཤེར་བྷ།
ལེན་མཁན། ལྷ་སྐྱིད།
1
བོད་ཁ་བ་ཅན་གྱི་ལོ་སར་བཟང་།
དོང་དམར་ཕ་དང་ཨ་ཁུའི་ཡ་ཆུང་ན།
མདོ༵་སྔགས༵་གསེར་ཀྱི་གླེགས་བམ་བརྗིད་རེ་ཆེ།
བཟོ༵་རིགས་ཤེས་བྱའི་ལག་རྩལ་བཀོད་རེ་ཡག
གསོ༵་བྱེད་མན་ངག་བང་མཛོད་ཁོད་རེ་ཡངས།
གངས་ཅན་བོད་ཀྱི་ཕ་དང་ཁུ་བོ་ལོ་སར་བཟང་ཡ།
ཁྱེད་ཀྱི་ཚེ་ཐག་རིང་ཞིང་བསམ་དོན་འགྲུབ་པའི་སྨོན་ལམ་འདེབས།
2
བོད་ཕྲེང་བ་ཅན་པོའི་ལོ་སར་བཟང་།
གངས་ཅན་སྟག་ཤར་མ་སྲུའི་གཤིས་ཀ་ན།
འགྱུར་མེད་བརྩེ་བ་དམར་པོའི་མེ་ལྕེ་འབར།
ཞུམ་མེད་སྙིང་སྟོབས་དཔའ་བོའི་རྩལ་དྲུག་རྫོགས།
ཡ་རབས་གཤིས་བཟང་འཛུམ་པའི་ཟུར་མིག་རྩེ།
ཁ་བའི་ལྗོངས་ཀྱི་སྟག་ཤར་མ་སྲུ་ལོ་སར་བཟང་ཡ།
ཁྱེད་ཀྱི་ཚེ་བསོད་རྒྱས་ཤིང་རླུང་རྟ་དར་བའི་སྨོན་ལམ་འདེབས།
3
བོད་གོང་བ་ཅན་གྱི་ལོ་སར་བཟང་།
བསིལ་ལྡན་ན་ཆུང་སློབ་མའི་ངག་སྒོ་ན།
དབྱངས༵་གསལ༵་སོ་བཞིའི་གསེར་གྱི་གླིང་བུ་སྙན།
གཏན༵་ཚིག་རིག་པའི་རྣམ་དཔྱོད་གློག་ཞགས་མྱུར།
གནའ་དེང་ཤེས་བྱའི་ཚལ་ན་རྩེ་ཞིང་ལྡིང་།
བསིལ་ལྡན་ཞིང་གི་ན་ཆུང་སློབ་གྲོགས་ལོ་སར་བཟང་ཡ།
ཁྱེད་ཀྱི་ཤེས་རབ་འཕེལ་ཞིང་མདུན་ལམ་ཡག་གི་སྨོན་ལམ་འདེབས།
30 сен 2024
