Tusken 1300 en 1500 waard der al yn it Frysk skreaun. Ferskate hanskriften binne bewarre bleaun en jouwe ynteressante ynformaasje oer it Fryslân fan doe. It wie de tiid fan it Grut-Fryslân, lâns de kust fan Noard-Hollân oant oan de Weser yn Dútslân waard Frysk sprutsen. De sân Fryske seelannen kamen byinoar by de Upstalbeam by Aurich yn it Dútske East-Fryslân. Yn in oersetting fan Oebele Vries binne de âlde wetsteksten, want dat wiene it meastentiids, no tagonklik foar elkenien. Utjouwerij Steven Sterk hat it boek útjûn, dat de namme ‘Asega, it is dingtiid’ krige.
5 окт 2024
