Məleykə Əsədova - Ağla (Şeir) 

Müəllif - Xanım İsmayılqızı Şeiri səsləndirir - Məleykə Əsədova Tərtib etdi - Toğrul Əhmədov İlhamə xanım Quliyevanı rəhmətlə anırıq. Mən səni gec tapdım, tez də itirdim Kaş ki, biz səninlə heç görüşməzdik. Ömrümə bir sevgi payı gətirdin, Sevmək əzab imiş, bunu bilməzdik. Tanrımdan məhəbbət arzulayırdım, Elə bildirim ki, xoşbəxt olaram. O hansı yol idi bizi ayırdı? Bilməzdim ki, bir gün tənha qalaram. Hər günün qaranlıq gecəsi də var, Ömür dediyimiz bu imiş, demə. Bir gün görüşənlər bir gün ayrılar, Ay ürək, sən də döz mənim dərdimə. Gecə günəş doğmaz göyün üzünə, Sevinc gələ bilməz kədər gözümə. Hərdən ağlayaram özüm-özümə, Ürək üz çevirir, baxmır sözümə. Ağla, ayrılığın gözünə ağla, Ağla, məhəbbətin üzünə ağla, Ağla, qəlbimdəki dözümə ağla, "Mən səni sevirəm" sözünə ağla.