M151 ជាឡានដំបូងរបស់លោក ហុង ប៊ុនរ៉ុង ហើយជាឡាដែលលោកស្រឡាញ់ជាងគេ 

សៀមរាប៖ ពលរដ្ឋខ្មែរ ច្រើនតែហៅឡាន M151 ថាឡាន JEEP។ តាមពិត វាស្រដៀងរថយន្ដម៉ាក JEEP ប្រភេទCJ ពិតមែន ប៉ុន្តែមិនមែនជាម៉ាក JEEP ទេ។ លោក ហុង ប៊ុនរ៉ុង មានឡានបុរាណ ៤គ្រឿង ដែលក្នុងនោះមានរថយន្ដ M151 ម៉ូឌែល A2 មួយគ្រឿង និងរថយន្ដ JEEP CJ ម៉ូឌែល 5 មួយគ្រឿង។ គាត់ពន្យល់ប្រាប់ថា ឡានទាំង២នេះ ជាឡានទម្ងន់ស្រាល បង្វិលកង់ទាំង៤ ពីជំនាន់៥០ឆ្នាំមុនដូចគ្នាមែន តែអ្វីដែលខុសគ្នាជាងគេ រវាងរូបរាង M151 និង JEEP CJ គឺឆ្នូតប៉ាណាខាងមុខ នៅចន្លោះហ្វារទាំង២។ លើ M151 វាផ្ដេក ខណៈលើ JEEP CJ វាឈរ។ ដើម្បីទ្រទ្រង់ M151 មានបូមរ៉ឺស័រ ខណៈ JEEP CJ មានសន្ទះ។ ស៊ីញ៉ូខាងមុខ លើ M151 វាស្ថិតនៅខាងឆ្វេងស្ដាំហ្វា ខណៈលើ JEEP CJ វាស្ថិតនៅក្រោមហ្វា។ ហើយផ្នែកខាងមុខរបស់ JEEP CJ វាប៉ោងជាង ធំជាង។ ក្រៅពីថែមត្រើយលើដែកកាងខាងមុខ M151 A2 ដែលជាឡានទីមួយក្នុងជីវិតរបស់លោក ប៊ុនរ៉ុង គាត់មិនសូវបានកែច្នៃអ្វីទេ។ ចំណែក JEEP CJ-5 របស់គាត់វិញ គាត់បានកែច្នៃវាច្រើន ដូចជាប្រអប់លេខដាក់អូតូម៉ាទីកវិញ ចង្កូតផ្នែកខាងក្នុងទាំងមូល និងកង់ទាំងអស់ដែរ។
#ThmeyThmey #ThmeyThmey25 #ថ្មីៗ
ផលិតដោយសារព័ត៌មានអេឡិចត្រូនិកថ្មីៗ
ដោយ៖យ៉ាន
-----------------------------------------------------
ThmeyThmey Social Media:
RU-vid: bit.ly/2RNzknr
Instagram: bit.ly/32QSFup
Twitter: bit.ly/3iTsTuS
Web: bit.ly/3hPEU3q
Facebook: bit.ly/2FGyvKY
-----------------------------------------------------
© All Rights Reserved & Copyrights by THMEYTHMEY 2021